Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Երեւանի ընդհանուր իրավասության դատարանում եզդի իրավապաշտպան Սաշիկ Սուլթանյանի գործով օգոստոսի 8-ին նշանակված դատական նիստը չկայացավ:
Ինչպես Aravot.am-ին փոխանցեց փաստաբան Արա Ղազարյանը. «Դատական նիստը հետաձգվել է, որովհետեւ Սաշիկ Սուլթանյանը չի ներկայացել դատական նիստին»:
Հիշեցնենք, որ Սաշիկ Սուլթանյանին մեղադրանք է առաջադրվել ՀՀ քրեական օրենսգրքի 226-րդ հոդվածի 2-րդ մասի 1-ին կետով (ազգային, ռասայական կամ կրոնական թշնամանք հարուցելը), որով Հայաստանում ապրող եզդիների իրավունքների խախտումների մասին խոսելը որակվել է որպես ազգային թշնամանքի հարուցում։
Սաշիկ Սուլթանյանի իրավունքների պաշտպանությունն իրականացնում են Հելսինկյան քաղաքացիական ասամբլեայի Վանաձորի գրասենյակի փաստաբաններ Անի Չատինյանը, Սամսոն Գալստյանը և փաստաբան Արա Ղազարյանը:
Նախորդ դատական նիստին դատարանը լսել էր 4 վկաների, այս անգամ դատարանը պետք է լսեր եւս 5 վկայի։
