Պաշտպանության նախկին նախարար, Ազգային ժողովի «Հայաստան» խմբակցության ղեկավար Սեյրան Օհանյանի նկատմամբ քրեական հետապնդում կհարուցվի։ Համապատասխան միջնորդություններ էր ներկայացրել գլխավոր դատախազ Աննա Վարդապետյանը, որոնք բավավարվել են։
Միջնորդություններից մեկը քննարկվել է փակ ռեժիմով, երկուսը՝ դռնբաց:
Առաջին միջնորդությանը 107 պատգամավորներից քվեարկությանը մասնակցել են 68-ը: Կողմ է քվեարկել 68 պատգամավոր։
2-րդ միջնորդությանը 107 պատգամավորներից մասնակցել է 66 պատգամավոր, կողմ են քվեարկել 66-ը:
«Մեր խմբակցության երկու պատգամավոր չունեին գաղտնիության թույլտվություն, որի պատճառով չեն մասնակցել փակ քննարկմանը»,- ասաց ՔՊ-ական պատգամավոր, ԱԺ հաշվիչ հանձնախմբի նախագահ Նարեկ Բաբայանը։
3-րդ միջնարդության քվեարկությունը 107 պատգամավորներից մասնակցել են 68-ը, կողմ է քվեարկել 68 պատգամավոր:
Միջնորդությունների քննարկմանը ընդդիմադիր «Հայաստան» և «Պատիվ ունեմ» խմբակցությունները չեն մասնակցել։