Գերմանիայի կանցլեր Օլաֆ Շոլցը Foreign Affairs ամսագրի հոդվածում նախազգուշացրել է աշխարհը բլոկների բաժանելու պատճառով նոր սառը պատերազմի հարցում և կոչ է արել ջանքեր գործադրել նոր գործընկերություններ ստեղծելու համար։
«Ռուսաստանի դաժան հարձակումը Ուկրաինայի վրա 2022 թվականի փետրվարին սկզբունքորեն նոր իրողության սկիզբն էր […] Երբ Պուտինը հրամայեց հարձակումը, նա ոչնչացրեց աշխարհի եվրոպական և միջազգային ճարտարապետությունը, որի կառուցումը տևեց տասնամյակներ: Գործելով որպես կայսերական տերություն, Ռուսաստանն այսօր ձգտում է ուժով վերագծել սահմանները և աշխարհը կրկին բաժանել բլոկների և ազդեցության գոտիների»,- գրել է Շոլցը։
Նրա խոսքով՝ աշխարհը չպետք է թույլ տա, որ ՌԴ նախագահը հասնի իր նպատակներին, իսկ «Ռուսաստանի ռեւանշիստական իմպերիալիզմը պետք է դադարեցվի»։
«Գերմանիայի որոշիչ դերն այս պահին Եվրոպայում անվտանգության գլխավոր մատակարարներից մեկն է՝ ներդրումներ կատարելով մեր զինված ուժերում, ուժեղացնելով եվրոպական պաշտպանական արդյունաբերությունը, ուժեղացնելով մեր ռազմական ներկայությունը ՆԱՏՕ-ի արևելյան թեւում և վերապատրաստելով ու զինելով Ուկրաինայի զինված ուժերը», գրել է Շալցը։
ՆԱՏՕ-ի գործողությունները, ըստ Շոլցի, չպետք է հանգեցնեն Ռուսաստանի հետ ուղիղ առճակատման, սակայն դաշինքը պետք է զսպի ռուսական հետագա ագրեսիան։
«Մեր ուղերձը Մոսկվային շատ պարզ է՝ մենք վճռական ենք պաշտպանել ՆԱՏՕ-ի տարածքի յուրաքանչյուր թիզը ցանկացած հնարավոր ագրեսիայից»,- ասել է Գերմանիայի կանցլերը։