Համացանցում քաղաքացիները քննադատել են Երևանում «Մանկական Եվրատեսիլի» բացման և կենտրոնական տոնածառի լույսերի վառման արարողությանը։
Հասարակական գործիչ Բաբկեն Պիպոյանը գրում է․
«Երեխաների համար ամեն ինչ էլ պետք է արվի»:
Շատ լավ է հնչում: Բայց պարզվում է, որ Երևանում, որտեղ «աննախադեպ» ծախսերով տոնածառի լուսավորություն է արվում, կա դպրոց, որի երեխաները ջեռուցում չունենալու պատճառով դպրոց չեն հաճախելու:
Թե բա՝ երեխաների համար է»:
Խմբագիր Անահիտ Ոսկանյանը գրում է․
«Սրանից հետո հրապարակի տոնածառը պիտի շինել այն ցանկացողների անձնական միջոցներից, ոչ թե ընդհանուր բյուջեից։ Միայն ցանկացողների։ Տեսնենք ինչքա՞ն ճոխ կստացվի»։
Արցախցի լրագրող Բելլա Լալայանն իր էջում տեղադրելով լուսանկարը՝ գրում է․
«Ինչքան բան կգրեի էստեղ …
բայց ձեր զվարճանքը, քեֆ-ուրախությունը չեմ խանգարում …
ուղղակի սա դնեմ էստեղ, որ մի օր լեղաճաք, սարսափահար լինեք ու չիմանաք, թե որ կողմ փախչեք՝
կհիշեք այս ֆոտոն …»։
