Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
«Այո, քնապարկը կեղտոտ է լինում, եթե խրամատում է։ Մի պատկերացրեք, որ պետք է սալիկապատ լինի ու «baxi» քաշած լինի։ Խրամատը հողային շինություն է, որը նախատեսված է պատսպարվելու համար»,-խորհրդարանում լրագրողների հետ ճեպազրույցում այսօր ասաց ՔՊ խմբակցության պատգամավոր Արմեն Խաչատրյանը՝ անդրադառնալով հարցադրմանը, որ եթե իշխանությունը պնդում է, որ բանակում բարեփոխումներ կան, ինչո՞ւ են զինվորները մնում ժեշտից տնակներում եւ ցելոֆանապատ վրաններում։
«Կարող է եւ ժեշտից կացարան լինել, բայց որ ասում եք ցելոֆանապատ, վրանային կացարան, նման կացարաններ հիմա չկան, բայց տակտիկական կարիքից ելնելով՝ որոշակի ժամանակահատվածում հնարավոր է մի քանի օրով վրան դնեն ու գնան։ Բայց մշտական տեղակայման վայրերում վրանային, ցելոֆանային վիճակներ չկան»,-վստահեցրեց Արմեն Խաչատրյանը։
Լուիզա ՍՈՒՔԻԱՍՅԱՆ
