Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
«Ի՞նչ եք ուզում ինձնից, բաց թողեք ձեռքերս»,-ՀՀ ԱԺ շենքի դիմաց գետնին պառկած գոչում էր ակտիվիստ Վարդգես Գասպարին՝ դիմելով իրեն բերման ենթարկել ցանկացող ոստիկաններին։
Վարդգես Գասպարին ՀՀ խորհրդարանի շենքի առաջ պառկած իր բողոքն արտահայտեց՝ ձեռքին ՀՀ ԱԺ նախագահ Ալեն Սիմոնյանի և ՀՀ ԱԺ նախկին պատգամավոր Հերմինե Նաղդալյանի նկարով պաստառ, որն ուներ հետևյալ մակագրությունը․ «Վերադարձ անցյալին չի լինելու, չպետք է լինի»։
Նրա՝ խորհրդարանի առաջ գետնին պառկած ժամանակ անցորդներն ուշադիր ակտիվիստին էին նայում, այդ ընթացքում մի քանի պատգամավորներ անցան, օրինակ՝ ՀՀ ԱԺ «Հայաստան» խմբակցության պատգամավոր Գեղամ Մանուկյանն անցավ և ուշադիր կարդաց գրառումը։
Ավելի ուշ Վարդգես Գասպարին տեղեկացրեց, որ իրենց բերման չեն ենթարկել, ինչն առաջընթաց է համարում, բայց նաև նշել էր ․ «20 տարի պայքարից հետո կրկին պիտի պառկեմ ասֆալտին, հեղափոխության իշխանության ներկայացուցիչներին զգուշացնելու, որ անցյալին չվերադառնան»։
Տաթև ՀԱՐՈՒԹՅՈՒՆՅԱՆ
Լուսանկարը` Վահե Գրիգորյանի ֆեյսբուքյան էջից:
