Վրացական «Ժողովրդի իշխանությունը» հասարակական կազմակերպությունը մեղադրել է Թբիլիսիում ԱՄՆ դեսպանատանը ներկայիս իշխանություններին տապալելու և Վրաստանին Ռուսաստանի Դաշնության դեմ ռազմական գործողություններին ներգրավելու փորձի մեջ։ Այս մասին հայտնում է «Գազետա ռու»-ն։
Կազմակերպության հայտարարության մեջ ասվում է, որ ԱՄՆ դիվանագիտական առաքելությունը կշարունակի աջակցել քաղաքական բևեռացման պահպանմանը, հեղափոխական տրամադրությունների ներշնչմանը և Վրաստանի տարածքում Ռուսաստանի Դաշնության դեմ ռազմական գործողությունների երկրորդ ճակատ բացելուն:
Նշվում է, որ «Ժողովրդի իշխանությունը» ստեղծել են իշխող «Վրացական երազանք» կուսակցությունը լքած վրացի չորս պատգամավորներ։
Ամերիկյան դեսպանատունը, ըստ պատգամավորների, մշտապես պահանջում է Վրաստանում իշխող կուսակցությունից օրենքներ ընդունել, որոնց դեպքում «երկրի կառավարումը չափազանց դժվար կլինի»։