Експертот за надворешна политика Иан Бонд смета дека Западот не треба постојано да се плаши од заканата на Москва за употреба на нуклеарно оружје.
Инаку, претседателот на Русија само во последните седум дена постојано му се закануваше на Западот дека Москва е подготвена да употреби нуклеарно оружје во војната со Украина, што предизвика загриженост кај Западот за ескалација која може да има глобални последици.
Сепак, експертот за надворешна политика Иан Бонд, од тинк-тенк Центарот за европски реформи, вели дека Западот мора да престане да биде и да звучи исплашен.
„Украина веќе ја нападна руската територија и ништо посебно не се случи“, вели тој.
„ Колку повеќе Западот вели „се плашиме дека Русија може да користи нуклеарно оружје“, толку е поголема веројатноста дека Путин ќе продолжи да се заканува дека ќе користи нуклеарно оружје – а можеби дури и да искористи едно или две за да покаже дека тој навистина тоа го мисли“, изјави Бонд за подкастот „Doomday Watch“.
