Британското Министерство за одбрана соопшти дека руските сили презеле потези кои резултирале со „убиства на цивили за кои сега тврди дека се нејзини граѓани“.
Да потсетиме, Путин вчера потпиша договор за анексија на четири окупирани региони во Украина, со што беше означено најголемото насилно преземање на територија во Европа од Втората светска војна.
Министерството за одбрана соопшти дека Русија троши „стратешки вредни воени средства“ во обидите да добие тактичка предност. Се додава дека Русија речиси сигурно вчера извршила напад врз конвој надвор од градот Запорожје, каде локалните медиуми објавија дека загинале 25 цивили, а повеќе од 50 се повредени.