„Она што се случило може било во согласност со законот, но било погрешно. Не знаев за тоа и очигледно, никогаш тоа не би го дозволил“, кажа Мицотакис три дена откако скандалот со прислушувањето доведе до оставки на шефот на Националната разузнавачка служба Панајотис Контолеон и генералниот секретар на кабинетот на премиерот Григорис Димитријадис.
Националната разузнавачка служба, позната под акронимот ЕИП, директно му одговара на кабинетот на премиерот, а тоа го воведе Мицотакис по победата на изборите во 2019.
Мицотакис кажа дека мобилните телефони на Никос Андрулакис, лидерот на опозициската социјалистичка партија ПАСОК, биле ставени под „правен надзор“ од септември 2021 на три месеци. Не објасни зошто токму тој политичар бил мета.
