Се интензивира потрагата по возачот на автомобилот Голф кој вчера беше пронајден и извлечен од Вардар кај тетовско Желино. Од Центарот за управување со кризи информираат дека во потрагата се вклучени и повеќе луѓе, а од денеска од 13.30 часот се трага и со хеликоптер на МВР. Од вчера во водите на реката човекот го бараат нуркачи.
Од ЦУК соопштуваат дека во потрагата се вклучени дополнителни полициски сили од неколу полициски станици, лица од Црвениот Крст, доброволци како и припадници на единицата ЕБР.
Несреќата се случи вчера попладне кога беше пронајден автомобилот кај мостот во селото Желино.
