„Симптоматично е и тоа што Али Ахмети не вика дека ДУИ може и без Артан Груби. Можеби тоа му е лапсус, меѓутоа, има факти кои збортуваат дека тоа не е случајност, затоа што, од она што е познато, Артан Груби по вина на Зоран Заев располага со т.н. „бомби“, кои се се забранети со закон. Али Ахмети избегнува да го спомене затоа што и тој самиот е заложник на Груби“, истакна Хајредини.
Тој вели дека прислушуваните разговори кои ги поседувал Груби му дозволиле да се стекне со, како што вели, против-уставната функција прв-заменик премиер.
„Артан Груби располага со такви адути, па успева да се избори за позиција 'прв заменик', што го нема во ниту еден закон или во Уставот. Во Уставот нема ниту заменик премиер. Уставниот суд тоа го забрани. А тој, како што му одговара, да биде прв и да не работи ништо од она за кое е платен, а да работи за тоа што не е платен“, додаде Хајредини.
