Македонските ракометарки имаа катастрофално прво полувреме кое го загубија со десет голови разлика, на одморот Хрватска замина со водство од 20-10. На почетокот од вториот дел Хрватките дадоа уште два гола и дојдоа до највисоки 12 разлика. Македонија тогаш се разбуди, направи серија и дојде на минус три, беше 26-23 за Хрватска.
Сепак Хрватките не дозволија да се случи сензација, зголемија на шест позитива и рутински го приведоа натпреварот до крај до нивна победа од 32-28.
Емилијана Ризоска беше најефикасна во нашиот табор со девет гола, а Теодора Дукоска додаде шест. Анџела Жагар со девет беше најефикасна кај Хрватките, а шест даде Ива Буле.
Со овој пораз Македонија на 12. место го заврши настапот на Светското првенство.