За поранешниот албански претседател и лидер на Партијата на слободата, Илир Мета, Демократската партија е една и единствена и додаде дека многу тесно ќе соработува со неа.
-Ќе соработуваме многу тесно со ДП на Сали Бериша, која е една и единствена, како што е опозиционер и народот. Времето на ДП и опозицијата во кое беа во сон заврши засекогаш. 7 јули (масовниот антивладин протест свикан од Сали Бериша) беше јасен показател за ова будење, за најдобрите вредности со кои е основана ДП, рече Мета.
Тој обвини дека дури две третини од албанските граѓани го поминуваат денот со 5,5 долари, а има „лицемери и социјалисти, кои поседуваат бродови од милион евра и исто толку трошат по луксузни одморалишта“.
Следните локални избори, што ќе бидат негов прв предизвик по напуштањето на претседателската резиденција, кажа дека ќе бидат триумф на отчетноста, нагласувајќи дека „доаѓа времето за лекување на Рама“, кој според Мета „многу бргу ќе заврши под нозете на народот“.
Бериша, кој го предводи крилото за обнова на Демократската партија, рече дека сè уште не разговарал со Мета, но, кажа дека заедно ќе ја координираат секоја акција, зашто „Мета е вистински опозиционер, а Рама ужасен крадец“. (МИА)
