Секретарот на Советот за безбедност на Русија, Николај Патрушев, денеска изјави дека во Украина целата НАТО Алијанса блок се бори против Русија, го снабдува Киев со оружје, разузнавачки информации, ја обучува армијата, помага во планирањето операции и настојува борбите да ги префрли на руска територија.
„Блокот на НАТО во основа се бори против нас, неговите членки му обезбедуваат на режимот во Киев тешко оружје, муниција, разузнавачки податоци, обезбедуваат обука за воени специјалисти“, рече Патрушев на безбедносната конференција на Крим.
Според неговите зборови, членките на НАТО „учествуваат во планирањето воени операции, ги уценуваат со употреба на оружје за масовно уништување“.
Патрушев ги обвини САД, Велика Британија и другите западни земји дека се обидуваат да ги продолжат борбите во Украина, како и да префрлат на руска територија.
Извор: МИА
