Институтот за проучување на војната во својот последен извештај пишува дека додека руската воена мобилизација продолжува да се соочува со предизвици и негодување на јавноста, рускиот претседател Владимир Путин ќе се обиде да го постави министерот за одбрана Сергеј Шојгу како „жртвено јагне“. Институтот заклучува дека се чини дека Шојгу наскоро ќе биде обвинет за неуспесите на Путин во Украина.
Според Институтот, одговорот на Путин на зголемените критики за неговиот неуспех во Украина ќе биде да допре до „радикалните елементи на неговата база“, вклучувајќи го и чеченскиот лидер Рамзан Кадиров.
„Најавата на Кадиров дека Путин му го доделил чинот генерал-полковник е показател за подготвеноста на Путин да ја смири базата, која почна жестоко да ја критикува позицијата на Министерството за одбрана“, открива Институтот за проучување на војна.
Институтот пишува и за голема контраофанзива.
„Украинската контраофанзива во областа Харков сè уште не кулминирала, еден месец по успешните операции, а сега се движи кон Луганск“, велат тие.
