Руската Црноморска флота, вкотвена во пристаништата на анектираниот полуостров Крим, назначи нов командант, јавија денеска руски медиуми, повикувајќи се на информирани извори, по бројните експлозии во изминатите девет дена што ги потресоа тамошните руски воени бази.
Доколку се потврдат информациите, разрешувањето на претходниот командант на Црноморската флота, Игор Осипов, ќе го означи најважното отпуштање на воен функционер за речиси шест месеци откако Русија ја започна војната против Украина.
Според руските медиуми, новиот командант Виктор Соколов бил претставен пред членовите на воениот совет на флотата во пристаништето Севастопол.
Извор: МИА
