„Руските сили се опколени во Лиман“, изјави Сергиј Черевати, портпаролот на украинската војска на исток, за украинската телевизија.
Според него, околу 5.000 до 5.500 Руси се наоѓаат во и околу Лиман во последните неколку дена, но дека нивниот број е намален во последните борби.
Ukraine's armed forces raising the blue and yellow flag above the #Lyman entrance sign on the outskirts of the city. "Stabilisation measures" are being carried out, eastern command says, amid reports that around 5000 Russian soldiers remain trapped inside pic.twitter.com/xWnp4YbkX7
— Luke Harding (@lukeharding1968) October 1, 2022
Според украинскиот гувернер на соседната Луганска област, Сергеј Гајдаи, руските војници кои се во Лиман имаат три опции, да избегаат, да загинат сите заедно или да се предадат.
Черевати рече дека украинските војници повторно зазеле пет села во околината на Лиман и со тоа го зголемиле притисокот врз руските војници кои сега се заробени таму.
Ова беше соопштено еден ден откако рускиот претседател Владимир Путин објави дека четири украински региони ќе бидат припоени кон Русија.
Во последните неколку недели, украинската војска постигна значителен територијален напредок во регионот Харков, североисточно од Доњецк каде што се наоѓа Лиман. Таа се обидува да навлезе и во регионот на Доњецк.
