Кураторот на Питерсен автомобилскиот музеј Лесли Кендал на Јутјуб ја раскажува приказната за овој стар доџ. Замислен како одговор на европските спортски автомобили кои привлекувале интерес во САД по Втората светска војна, доџ сторм З-250 изгледа како конкуренција на култната корвета на Шевролет или форд тандербрд.
Каросеријата е дизајнирана од славниот Италијанец Бертоне. Однадвор е многу пооригинален од производите на Форд и Шевролет од тоа време, со спортски став. Поради тоа што бил замислен како тркачки автомобил, под хаубата се наоѓал V8 мотор.