Судиите не поведоа постапка за оценување на уставноста на член 65 став 2, во делот „Законот за прекршоците", став 3 во делот „Законот за прекршоците" и член 66-а став 1, во делот: „Прекршочна комисија", од Законот за туристичката дејност, а ја отфрлија иницијативата за поведување постапка за оценување на законитоста на Одлуката за давање на согласност бр. 08-506/4 од 18 август 2021 и Заклучокот за објавување на Одлуката за давање на согласност за објавување на oдлука, бр. 08-360/2 од 5 август 2021 година.
На денешната седница не беше поведена постапка за оценување на уставноста и законитоста на член 84 став 1 од Статутот на Стоматолошката комора на Македонија („Службен весник на Република Северна Македонија"бр.118/2021).
Иницијативата поднесена за член 91 став 2 од Законот за стечај во делот: „Доверителот кој е упатен на парница е одговорен за штетата што може да биде предизвикана со водењето на парницата ако тужбеното барање биде одбиено како неосновано", како што информираа од Судот, не го доби потребното мнозинство гласови.