Припадниците на интервентната иранска полиција и безбедносните сили денеска се судрија со демонстрантите во неколку градови низ земјата кои продолжуваат да протестираат поради смртта на младата Иранка Махса Амини, објавија државните медиуми и објави на социјалните мрежи.
22-годишната Амини, девојка од иранската провинција Курдистан, падна во кома во притвор и почина во Техеран минатата недела, откако беше уапсена од полицијата поради непочитување на правилата за носење хиџаб, објави Ројтерс.
Нејзината смрт предизвика големи протести на улиците во Иран, први откако властите ги разбија протестите против покачувањето на цената на бензинот во 2019 година.
И покрај тоа што бројот на загинати секојдневно се зголемува и властите ги разбиваат немирите, видеата објавени на Твитер покажуваат дека демонстрантите повикуваат на пад на верските власти додека се судираат со безбедносните сили во Техеран, Табриз, Карај, Јазд и многу други ирански градови.
Државната телевизија соопшти дека полицијата се судрила со, како што ги нарече, „немирите“ во некои градови и употребила солзавец за да ги растера.
Видеата објавени на социјалните мрежи од внатрешноста на Иран покажуваат дека демонстрантите извикуваат „Жена, живот, слобода“, додека жените мавтаат и ги палат нивните шамии.
This is a revolt of Iranian granddaughters against the grandfathers who have been ruling their country. In Mashhad, Shiite holy city and hometown of 83-year-old Supreme Leader Khamenei. #مهسا_امینی pic.twitter.com/pRcTOkPEm3
— Karim Sadjadpour (@ksadjadpour) September 22, 2022
На видеата на Твитер, може да се видат демонстранти како извикуваат „Смрт за диктаторот“ во градот Табриз, повикувајќи се на иранскиот врховен водач, ајатолахот Али Хамнеи.
Young women risked their lives by removing their compulsory headscarves today in Yazd, known as a religious city in #Iran, on September 26. #MahsaAmini #OpIran #مهسا_امینی #اعتصابات_سراسری pic.twitter.com/x7EKAGXrL7
— Hadi Ghaemi (@hadighaemi) September 26, 2022
Во курдските градови Санандај и Сардашт, полицијата пукаше врз демонстрантите, како што може да се види и на видеата на Твитер.
