Украина соопшти дека најмалку едно лице загинало откако руските сили денеска нападнале повеќе цели со „камикази беспилотни летала“ во областите Киев и Одеса.
Руските сили денеска повторија напади со „камикази беспилотни летала“ набавени во Иран врз цели во украинскиот регион Киев и јужна Одеса, при што според украинските власти загинало најмалку едно лице, пренесува Си-Ен-Ен.
Un dron iraní “Kamikaze” fue derribado por los Ucranianos en la región de Odessa. pic.twitter.com/lp8sRQMywo
— Federico Alves, possibly running for the US Senate (@federicoalves) October 4, 2022
Руски беспилотни летала камикази „Шахед 136“, кои беа купени од Иран пред еден месец, ноќта меѓу вторникот и средата извршија напад врз градот Бела Црква во регионот на Киев.
„Имаше повторена серија напади со беспилотни летала камикази врз инфраструктурата на Белата црква. Пожар избувна на инфраструктурни објекти. Има една жртва“, објави на Телеграм Олексеј Кулеба, шеф на администрацијата на регионот Киев.
Тој додаде дека екипите на итната помош реагирале и побарале од сите жители на Киев „да останат во своите засолништа“.
„Опасноста е сè уште присутна“, предупреди Кулеба, додека во регионот се огласија сирените за воздушен напад.
Приліт 🇮🇷🇷🇺дрону-камікадзе Герань-2 (Shahed-136) по Білій Церкві. Пожежа. Один постраждалий. Точна кількість дронів не відома. (Пишуть про 2 або 3)#ЗСУ #RussianUkrainianWar #ukraine #shahed136 #drones #Kiev #Київ #bilacerkva #ElonMusk pic.twitter.com/lMO3LgeXbb
— Остап Шимків 🇺🇦 (@ShymkivOstap) October 5, 2022
Кирило Тимошенко, заменик началникот на кабинетот на претседателот на Украина, објави дека руските сили извршиле напад и врз јужниот пристанишен град Одеса со беспилотни летала Шахед-136.
Во објава на својот профил на Телеграм, Тимошенко рече дека украинските сили за противвоздушна одбрана успеале да „откријат и уништат непријателски дрон над морето“.
Видеата објавени на социјалните мрежи денес покажуваат оган и облаци од чад на ноќното небо по нападот на Белата црква јужно од Киев, соопшти Си-Ен-Ен, истакнувајќи дека не може самостојно да ги потврди овие објави.
