Претседателот на Украина, Володимир Зеленски, во синоќешното обраќање, на руските војници им кажа дека ќе ги заштити доколку се предадат.
Претседателот на Украина им вети три работи на оние што ќе се предадат. Како што рече, на сите ќе им биде овозможен хуманитарен третман според правилата на меѓународното право.
Понатаму, Зеленски им вети на руските војници дека никој нема да ги знае условите за нивното предавање, односно никој нема да знае дали доброволно се предале или биле заробени. Понатаму, затворениците нема да бидат вратени во Русија доколку тоа не го сакаат.
Тој во своето обраќање рече и дека руските команданти не се грижат за животот на своите војници и дека ги пополнуваат редовите во единиците само за да можат да ги испратат во смрт.
„Подобро е да се избега од криминалната мобилизација отколку да станеш инвалид“, рече претседателот на Украина.
