По денешната владина седница од Министерството за животна средина и просторно планирање соопштија дека со информацијата се опфатени шест мали хидроелектрични централи, кои нема да се реализираат.
„Опфатени се шест мали хидроелектрични централи лоцирани во зоните на строга заштита и на активно управување во Националниот парк Шар Планина, кои нема да се реализираат. Се работи за МХЕ Љуботенска 66, МХЕ Љуботенска 67, Беловишка 107, Пена 82, МХЕЦ, Лешочка 100 и Лешочка 101", пишува во соопштението.
Со посебна информација, како што информира Mинистерството, доставен е и предлог за спогодбено раскинување на Договорот за концесија за МХЕЦ Шеличе лоцирана на подрачјето на НП Шар Планина, во зоната на одржливо користење, при што е постигната согласност на концесионерот да му се врати уплатениот концесиски надоместок.
