Според најновата статистика на руското министерство за одбрана, за учество на, како што ги нарекува, странски платеници, што се борат на страната на Украина, од почетокот на војната досега на страната на Украина заминале да војуваат 150 албански државјани.
-Од објавената статистика од почетокот на инвазијата во Украина, на 24 февруари годинава, заминале 150 лица од Албанија, од кои 53 загинале. Во билансот стои и дека 47 албански платеници досега ја напуштиле Украина, а 50 остануваат да војуваат, јавија албанските медиуми.
Во јули 2014 година, албанскиот парламент усвои измени на кривичниот закон, со цел да биде опфатено учеството во војни на странските боиште, за што е предивдена казна затвор во траење до 15 години. Законот беше донесен по учеството на албански државјани на страната на терористичката ИД, во Сирија и Ирак, каде војуваа над 150 албански државјани а загинаа седумдесеттина.
Медиумите пренесуваат бројки и за платеници од Косово, од каде на украинска страна заминале да се борат 156, загинале 72, ја напуштиле 65, додека 19 останале да војуваат.
Извор: МИА
