Референдумите за приклучување на окупираните делови на Украина кон Русија се одржуваат втор ден и покрај силното противење на меѓународната заедница. Руските медиуми објавија снимки од граѓаните на избирачките места, со проѕирни гласачки кутии кои го покажуваат изборот на гласачките ливчиња.
Гласањето, за кое меѓународната заедница соопшти дека не е легитимно, се одржува во источните региони Луганск и Доњецк, како и во централниот дел на Запорожје и јужен Херсон. На социјалните мрежи кружи видео од вооружени мажи кои наводно ги принудуваат жителите да излезат на гласање.
