Директорот на Канцеларијата за Косово и Метохија на српската влада Петар Петковиќ кажа од Брисел дека делегацијата на Србија се бори за мир и дека српскиот претседател утре ќе ѝ се обрати на јавноста, по враќањето во Белград.
Тој истакна дека денес никој од српската делегација нема да се обраќа, како и дека Вучиќ останува во Брисел уште некое време.
I am convening this morning the High-level Belgrade-Pristina Dialogue meeting.
Recent tensions in the north of Kosovo have demonstrated yet again that it is time to move forward towards full normalisation. I expect both leaders to be open and flexible to find common ground. pic.twitter.com/T0AhjKd1D3
— Josep Borrell Fontelles (@JosepBorrellF) August 18, 2022
Српските медиуми јавуваат дека во разговорите нема напредок по ниедно прашање, бидејќи косовскиот премиер одбил секаков компромис.
Во Брисел заврши втората рунда од трилатералните разговори на претставниците на Европската Унија со српскиот претседател Вучиќ и косовскиот премиер Курти.
Претходно, одвоено, во два наврати, шефот на дипломатијата на ЕУ Жосеп Борел и специјалниот претставник на Унијата за дијалогот Мирослав Лајчак разговараа со Курти и Вучиќ.
Медиумите јавуваат дека во зградата на Европската служба за надворешни работи во Брисел бил и специјалниот претставник на САД за Западниот Балкан Габриел Ескобар.
„Почеток на разговорите за суштинските проблеми на Косово и Метохија. Се надевам на какво-такво решение, иако во тоа воопшто не верувам“, напиша претходно Вучиќ на Инстаграм.
