Ena siga Vakarauwai ni macawa mai oqo, e sana vakagunuvi tiko kina o Ratu Sireli Ronaiteqe Tavutavuwale me taura nai tutu vaka Tui Lutu, ena Tikina o Lutu ena yasana o Naitasiri.
Ko ira na turaga mai na Tikina o Lutu ena yasana o Naitasiri ka’ra vakaitavi ena kena vakabulabulataki ni nodra meke ni Yaqona na Turaga Tui Lutu. E tiko maliwai ira nai vukevuke ni Minisita ni Veika VakaiTaukei ko Isikeli Tuiwailevu.
Ena siga Vakarauwai ni macawa mai oqo, e sana vakagunuvi tiko kina o Ratu Sireli Ronaiteqe Tavutavuwale me taura nai tutu vaka Tui Lutu, ena Tikina o Lutu ena yasana o Naitasiri.
Nai tutu oqo e tukuni ni a lala tu mai ena loma ni 16 na yabaki ni oti nona mai vakacegu na tamana lailai ka’a taura taumada tiko mai.
E vakaraitaka o Peceli Sawale mai na koro o Lutu ni ratou a veiliutaki tiko mai vakawawa ena gauna a mai yali kina nai otioti ni Tui Lutu ko Ratu Napolioni Rosorovakarua.
Sa yabaki 73 ko Peceli ka nodra i liuliu ni Colasau mai na mataqali o Nakorovou.
E nona tutu vakavanua na Sauturaga.
E kaya ni ra sa vakavakarau tiko na tolu na koro ena Tikina o Lutu ena soqo oqo ni veivakagunuvi ena macawa mai oqo.
E kaya na veibuli esa vakayacori oti, ka’na vakayacori ga oqo na veivakagunuvi. Na veivakagunuvi oqo e ratou na vakaitavi kina na Mataqali o Nakorovou.
Ena 10 na kaloko ena tekivutaki kina lotu ni bera ni vakayacori na veivakagunuvi. E tolu na koro e tiko ena tikina o Lutu wili kina o; Lutu, Nanukuloa kei Navuniyaro.
Story By: Salaseini Guniyaga
Feedback: salaseini.guniyaga@fijisun.com.fj
