logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Armenia

Լևոն Սարգսյանի արտահանձնման գործընթացը շարունակվում է. Նա կալանքի տակ է

Լևոն Սարգսյանի արտահանձնման գործընթացը շարունակվում է. Նա կալանքի տակ է

PanARMENIAN.Net - ԱԺ նախկին պատգամավոր Լևոն Սարգսյանը, նույն ինքը՝ «Ալրաղացի Լյովիկը» շարունակում է մնալ կալանքի տակ, Դատախազության տեղեկատվության և հասարակայնության հետ կապերի բաժնի պետ Արևիկ Խաչատրյանին հղումով հայտնում է «Փաստինֆո»-ն: Վերջինիս արտահանձնման գործընթացը շարունակվում է։

Լևոն Սարգսյանը մեղադրվում է մոտ 12 տարի առաջ Մաքսային կոմիտեի նախկին ղեկավար Արմեն Ավետիսյանի առանձնատան վրա ավազակային հարձակումը պատվիրելու մեջ։

2019-ի նոյեմբերի 21-ին նա հայտնաբերվել և ձերբակալվել է ՌԴ Մոսկվայի մարզի Զելենոգրադ քաղաքում:

Ավելի վաղ հայտնի դարձավ, որ Լևոն Սարգսյանը 2008 թվականի հոկտեմբերին ՀՀ մաքսային պետական կոմիտեի նախկին պետ Արմեն Ավետիսյանի առանձնատան վրա ավազակային հարձակման պատվիրատուն է եղել: Հարձակումը դյուրին դարձնելու և ցանկալի արդյունքի հասնելու համար Սարգսյանը Ավետիսյանի հետ անմիջական շփումներ ունեցած, նրա մոտ աշխատած և վերջինիս առանձնատան կառուցվածքին քաջատեղյակ իր ազգական Ս.Ղ-ի միջոցով ձեռք է բերել և խմբին տրամադրել առանձնատան մանրամասն գծագիրը` չհրկիզվող պահարանների տեղակայման վայրերի նշագրումներով: Ավազակային հարձակումից հետո Լևոն Սարգսյանը գողոնից ընտրել և վերցրել էր իրեն հետաքրքրած ոսկյա զարդերն ու թանկարժեք ժամացույցները:

Themes
ICO