logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
Купить трафикКупить трафик
star Избранное: Tag Tag Tag Tag Tag
Купить трафикКупить трафик
Armenia

Մեկ տարի անց էլ՝ Արամի 23 հասցեում գտնվող պատմամշակութային շենքը նույն փլուզված վիճակում է

Երևանում Արամի 23 հասցեում գտնվող պատմամշակութային շենքը գտնվում է այն վիճակում,  ինչ մեկ տարի առաջ հայտնվեց՝ փլուզված, քանդված, որևէ բան տեղի չի ունեցել: Լրագրողների հետ հանդիպմանն ասաց «Հայաստանի փոքրիկ երգիչներ» երգչախմբի գեղարվեստական ղեկավար ու գլխավոր դիրիժոր Տիգրան Հեքեքյանը:

«Երբ որ փլուզվեց, քանդվեց շենքը, Երևանի գլխավոր ճարտարապետ Արթուր Մեսչյանն ասաց, որ անհեթեթ ու անհիմն քաշքշուկների հետևանք էր: Հիմա կարող եմ ասել, որ չի վերակառուցվում կամ անհեթեթ քաշքշուկերի հետևանքով կամ միտումնավոր քաշքշուկների հետևանքով»,- նշեց նա:

Տ.Հեքեքյանի խոսքով, զրկվելով տարածքից, որտեղ աշխարհով մեկ խմբերգային արվեստը ներկայացնող ու իր հավասարը չունեցող երգչախումբը փորձեր է արել տասնյակ տարիներ, հիմա արդեն զգացվում է, թե ինչ ազդեցություն է ունեցել խմբի վրա. «Տեսնում ենք որակական փոփոխություն, ինչը զգացինք վերջին ձայնագրության ժամանակ: Խումբը, որը հեշտ ձայնագրվում էր, սկսել է խնդիրներ ունենալ»:

Նա նշեց, որ մինչև քանդվելը և հատկապես քանդվելուց հետո շենքը պահանելու համար մի քանի անգամ դիմել են բոլոր իրավասու ատյաններին, սակայն գործն առաջ չի գնում:

«Ինչ որ բաներ արվում են, արդյունքում ոչինչ չի կայանում, շենքը մնացել է ինչպես կա, մենք էլ մնացել ենք անորոշ վիճակում: Կառույցը լուրջ խնդիր ունի, որն ինձ համար ոչ պակաս պատմական և մշակութային արժեք է»,- ասաց Տիգրան Հեքեքյանը:

Ասուլիսին ներկա կրթության, գիտության, մշակույթի և սպորտի նախարարի տեղակալ


Նարինե Թուխիկյանը նշեց, որ նախարարությունը միշտ շենքի պահպանման ջատագովն է եղել, վերականգնման վերջին նախագիծը, որ ներկայացվել է  1-2 ամիս առաջ, հաստատվել է նախարարության կողմից, դրական  եզրակացություն է տրվել:

Նա նշեց, որ սակայն կան մի շարք կնճռոտ հարցեր, օրինակ, Արամի 23-ին է ագուցված հարևան շենքի տանիքը, որը պետք է մասնագիտորեն քանդվի, այսինքն կա իրացման խնդիր:

Ճարտարագետ, վերականգնող իտալական ճարտարապետական կազմակերպության ներկայացուցիչ և նախագծի համահեղիանակ  Դավիթ Նահատակյանն ասաց, որ չի կատարվել հնգակողմ պայմանագրով նախատեսված վճարումը. պայմանագրի կողմերից «Ի Էմ Սի» ընկերությունը չի վճարել առաջին փուլով նախատեսված գումարը:

«Առաջին փուլը՝ էսքիզային և անհրաժեշտ միջամտություն, որպեսզի շենքը չշարունակի քանդվել, կատարվել է, սակայն վճարումն առ այսօր չի արել»,- ասաց նա:

Երևանի քաղաքապետի մամուլի քարտուղար Հակոբ Կարապետյանն ասաց, որ քաղաքապետարանը կատարել է իր գործառույթները՝ տրվել է շինարարության և նախագծման թույլտվություն:

Տ.Հեքեքյանն ասաց, որ «Ի Էմ Սի» ընկերությունն չի իրացնում Արամի 23-ի կողքի բնակարանը, որպեսզի կարողանան սահմանազատել ու սկսել իրենց շենքի աշխատանքները:


Նա ընդգծեց, որ քաղաքապետարանն ի սկզբանե տվել է ապօրինի շինթույլտվություն. «Գուցե  կապ ունի նախկինների հետ, բայց մենք ունենք իրավահաջորդ, մարդիկ շարունակեն իրենց գործառույթը:

««Հիմա «Հին Երևան» նախագիծը ֆինանսավորող պարոն Վարդան Սերմաքեշը համաձայն է պատմական շենքը վերականագնել, բայց այնքան, որ մի քիչ կպցնենք, ինքը շուտ-շուտ իր տարածքը բարձրացնի, հետո կերևա արդեն, թե ինչ կլինի»,- ասաց Հեքեքյանը:

Դավիթ Նահատակյանը նշեց, որ դեկտեմբերին պատահական հանդիպել են «Ամուր» քընսթրաքշնի ներկայացուցիչների հետ, զրույցում ներկայացրել ենն, որ ցանկանում են իրենց նախագիծն  իրականացնել, խնդրում են, եթե հնարավոր է կատարել հեղինակային հսկողություն:

«Ասացինք, որ սկզբունքորեն դեմ չենք, բայց պայմանագիր չունենք: Նախ չի վճարվել արդեն կնքված պայմանագրով հասանելիքը, ասացինք, որ մեզ դիմեք պաշտոնական գրությամբ: Սակայն մինչ այսօր որևէ պաշտոնական գրություն չունենք, պատահաբար իմանում ենք, որ մեր անունները գրվել է որպես հեղինակային հսկող կամ մեր նախագիծը պետք է իրականացվի: Գրություն ենք ներկայացնելու իրավասուներին, որ մեր ճարտարապետական կազմակերպությունը և ես ինքս տեղյակ չենք այս մասին,  չենք տվել մեր համաձայնությունը»,- ասաց նա:

Տիգրան Հեքեքյանն ամոփոփելով ստեղծված  իրավիճակը, ասաց. «Այս պահին քաղաքապետարանի կողմից ունենք մի շինթույլտվություն, որի մեջ  գրված է ճարտարապետ և հեղինակային հսկող,  որոնք այդ մասին տեղյակ չեն, իրականությանը չի համապատասխանում, չի կարող ուժ ունենալ: Ունենք ինչպես մեկ տարի առաջ՝  քանդված շենք, երգչախումբ, որի մեծերը խումբը քանդվում է, փոքրերինը  մի կերպ պահում ենք օտար տարածքում տնվորի կարգավիճակում: Ունենք նախարարություն, որը ինքն էլ չգիտի՝ ինչպես անել, որ այս հարցը լուծվի,  քաղաքապետարան, որն այս պարագայում կարող է ասել՝ տվել եմ շինթույլտվություն, ինչ իմանայի, որ կեղծիքով է եղել,  ունենք ընկերւթյուն, որն իրեն հզոր է զգում,  ինչ հարց կա իր ձեռքում է»:

Темы
ICO