Armenia

Ծովագյուղի համայնքապետը 30-50 մարդու հետ խանգարել է «Գազպրոմի» աշխատանքը. Բարձրաստիճան ոստիկաններ են տուժել

Ծովագյուղի համայնքապետը 30-50 մարդու հետ խանգարել է «Գազպրոմի» աշխատանքը. Բարձրաստիճան ոստիկաններ են տուժել

PanARMENIAN.Net - Սեպտեմբերի 24-ին Ծովագյուղի համայնքապետ Վահրամ Գևորգյանի ղեկավարությամբ 30-50 անձ խոչընդոտել է «Գազպրոմ Արմենիայի» աշխատակիցների աշխատանքը, վնասել նրանց ծառայողական տրակտորը, սպառնացել, հայհոյել տեղում հերթապահող ոստիկաններին, քաշքշել և հարվածել։

Միջադեպի մասին ավելի վաղ հայտնել էր Shamshyan.com-ը՝ նշելով, որ պատճառը եղել է այն, որ «Գազպրոմում» տեղեկություններ են ստացվել, թե գյուղում երկար տարիներ կատարվել է գազագողություն։

Մասնավորապես, Քննչական կոմիտեի փոխանցմամբ՝ ոստիկանները ծառայություն են իրականացրել այն վայրում, որտեղ աշխատելիս են եղել «Գազպրոմ Արմենիայի» աշխատակիցները՝ «Ծովագյուղ» գազի բաշխման կայանում և հարակից տարածքում կորուստները նվազեցելու ուղղությամբ։ Այդ ընթացքում Ծովագյուղի համայնքապետը 30-50 անձանց հետ եկել է նշված վայր և խոչընդոտել աշխատանքները, ինչպես նաև սպառնացել «Գազպրոմ Արմենիայի» աշխատակցին:

Ոստիկանությունը միջամտել է, ինչից հետո միջադեպի մասնակիցներից մեկը բռունցքով հարվածել է Ոստիկանության Գավառի բաժնի պետի ձախ աչքի շրջանին, իսկ համայնքապետը հայհոյել և փորձել է հարվածել Մարտունու բաժնի պետին, ինչը կանխել են իրավապահները:

Ծովագյուղի համայնքապետի հետ կապվել չհաջողվեց, իսկ Գեղարքունիքի մարզպետարանից PanARMENIAN.Net ին ասացին, որ միջադեպի մասին սոցցանցերից են իմացել, ոչ մի մանրամասի չեն տիրապետում, իսկ Վահրամ Գևորգյանի հետ որևէ խոսակցություն միջադեպի վերաբերյալ չի եղել։ Հարցին՝ հնարավոր է ավելի ուշ կապվելու դեպքում մեկնաբանություն կարողանան տալ, մարզպետարանից նշեցին՝ չեն կարծում։

Դեպքի առթիվ հարուցվել է քրեական գործ՝ ՔՕ 258-րդ հոդվածով (խուլիգանություն) և 316-րդ հոդվածով (իշխանության ներկայացուցչի նկատմամբ բռնություն գործադրելը)

Պարզվում են միջադեպին մասնակիցների ամբողջական շրջանակը։ Նախաքննությունը շարունակվում է:

Football news:

Asensio on Real Madrid: One of the best squads in the world. Atletico and Sevilla can become our competitors in La Liga
Manchester United issued a warning to Greenwood due to his discipline problems. He was not in the squad for two games in a row
Raheem sterling: we Need to fight insults on the Internet. Do people want to change something?
Mourinho on Europa League: it's not fair that you get clubs from the Champions League in the play-offs
In real Life, they thought about changing the coach. Candidates - Pochettino and Raul (As)
Khabib: I like Football more than MMA. There is no need to beat, break. Just by beauty you show what a professional you are
Gem, a masterpiece, from Russia with love: in Italy, love the Beginning