Armenia

Յալանուզյան. Գրադարանի ընթերցասրահներն անհամեմատ ավելի անվտանգ են, քան սրճարաններն ու «հաց ուտելու տեղերը»

Մեդիափորձագետ Միքայել Յալանուզյանին հետաքրքրում է, թե ինչու չեն բացել Հայաստանի ազգային գրադարանն ու Ազգային արխիվը, չնայած մայիսի 18-ից մի շարք սահմանափակումներ վերացվել կամ մեղմացվել են։ 

«Հարգելի ընկերներ,

Տեսեք ինչ է ստացվում՝ բացում ենք լամաջոյանոցները, քյաբաբանոցները, կոֆե խմելու ու ծիռամիսու ուտելու բոլոր օբյեկտները, բացում ենք տրանսպորտը, խանութները, մոլերը, և սպառողական հասարակությանը բնորոշ այլ կառույցները, բայց չենք բացում Հայաստանի ազգային գրադարանը և Ազգային արխիվը։ Կարո՞ղ եք ասել, թե ինչո՞ւ, ի՞նչ տրամաբանությամբ։

Մեր երկրում դեռ կան մարդիկ, ովքեր գրադարան են գնում, գիտական աշխատանք են անում, հոդված են գրում, և այլ կարգի մտավոր գործեր են անում, ու առանց գրադարանի էդ մարդիկ չեն կարող աշխատել։ Գրադարանը ժամանց չէ, աշխատավայր է։

Ուրիշ բան էլ ասեմ՝ գրադարանի ընթերցասրահներն անհամեմատ ավելի անվտանգ են, քան սրճարաններն ու «հաց ուտելու տեղերը»։ Էնտեղ տարածությունը մեծ է, սեղանները հեռու են, Ազգային գրադարանի գիտական և մամուլի ընթերցասրահներում սեղանները նույնիսկ կողքերից բաժանումներ ունեն, գրեթե չինական դպրոցների նման, որոնց նկարները հաճույքով տարածում ենք։

Հետո՝ հիմա բուհերում ու դպրոցներում դաս չկա, ուսանող չկա։ Գրադարան գնալու են էն մարդիկ, ովքեր կոնկրետ գործ ունեն անելու ու նրանք քիչ են, ունեն սոցիալական բարձր պատասխանատվություն, հետևաբար լիովին վերահսկելի են։

Կարելի է նաև ամբողջ գրադարանը չբացել, միայն 1-2 ընթերցասրահ, կարելի է աշխատանքային գրաֆիկը փոխել, օրինակ՝ աշխատել շաբաթական երկու կամ երեք օր, շաբաթ-կիրակի, մի խոսքով՝ կարելի է տարբերակ գտնել։

Ազգային գրադարանի էլեկտորնային շտեմարանները էապես փրկում էին վիճակը, բայց դրանք էլ «ծխեցվեցին» ու հայտնի չէ, թե երբ կվերականգնվեն։


Եթե ֆինանսական դժվարություններ կան, կարելի է նաև մասամբ վճարովի անել, որոշ ծառայությունների համար սիմվոլիկ գումար վերցնել ընթերցողից, որը կարող է, օրինակ, աշխատակիցների տրանսպորտի կամ դիմակի ու ալկոգելի հարցը լուծել։

Մի խոսքով՝ հարգելի ընկերներ, խնդրում եմ էս հարցը մի անտեսեք»,- ֆեյսբուքյան էջում գրել է նա։

Football news:

Sterling on the record for goals in a season: we Want to win the Champions League and the FA Cup, otherwise they won't mean anything
Sheffield will finish the Premier League season without defeats from clubs from London. 22 points in 10 games and 5 home wins
Bonucci on Juve's draw with Atalanta: We must look at the result. This is how Championships are won
Sterling surpassed Yaya Toure to become Manchester City's 2nd goalscorer in the history of the Premier League
Gasperini on two penalties for Juve: They are above any rules in Italy. Did we have to cut off our hands?
Sarri Pro 2:2 with Atalanta: We played with one of the best teams in Europe right now
Pep Guardiola: Manchester City have won a place in the Champions League on the pitch. I hope that UEFA will allow us to play