Armenia

Զբոսաշրջության ոլորտի մասնագետները զրկված են որևէ եկամուտից, սակայն ունեն հարկային ու վարկային պարտավորություններ. Ապրեսյան

«Հայաստանում զբոսաշրջության ոլորտը կանգնած է»,- խորհրդարանում լրագրողների հետ զրույցում ասաց Տուրիզմի հայկական ֆեդերացիայի նախագահ Մեխակ Ապրեսյանը։

Նրա խոսքով, տեղաշարժը սահմանափակված է և շատ թվով մարդիկ որևէ հանգստավայրում լինել չեն կարող, ուստի կարելի է ասել՝ կորոնավիրուսից ամենաշատը տուժած ոլորտը զբոսաշրջությունն է։

«Ընդհանրապես, ոլորտի մասնագետները զրկված են որևէ եկամուտից, սակայն ունեն հարկային ու վարկային պարտավորություններ, ինչպես նաև բիզնեսն ու աշխատատեղերը պահպանելու հետ կապված խնդիրներ»,- շեշտեց Մ. Ապրեսյանը։

Հացրին՝ կա՞ վիճակագրություն, թե ոլորտի ներկայացուցիչների որ մասն է օգտվել կառավարության աջակցության ծրագրերից, Մ. Ապրեսյանը պատասխանեց՝ մի քանի սուբյեկտ է օգտվել աջակցությունից։

«Մենք ընդունում և ընկալում ենք աջակցության ոլորտի ընդհանուր մոտեցումները, բայց նաև առաջարկել ենք հաշվի առնել ոլորտի առանձնահատկությունները և դրանով իսկ ապահովել հասցեականությունը զբոսաշրջության ոլորտի հետ կապված։ Մնացած ոլորտների համար լավ միջոցառումներ անցկացվում են, իսկ զբոսաշրջության ոլորտում խնդիրներ կան, քանի որ միջոցառումներից և ոչ մեկը հարմարեցված չէ ոլորտի պահանջներին։ Եվ այսօր տուրիստական ընկերությունները կանգնած են սնանկացման եզրին։ Նրանք վարկեր են վերցրել, ծրագրեր մշակել, բայց հիմա չեն աշխատում և չեն կարող վարկային պարտավորությունները կատարել։ Կա՛մ պետք է նրանց վարկային արձակուրդ տրվի, կա՛մ էլ պետք է թույլ տալ պետության կողմից տրամադրվող արտոնյալ վարկային միջոցները օգտագործել գործող վարկային պարտավորությունների կատարման նպատակով»,- մեկնաբանեց նա։

Նա վստահեցրեց, որ ծրագրերից պետք է կարողանան օգտվել նաև 500 մլն դրամ շրջանառությունը գերազանցող ընկերությունները, քանի որ դրանք մեծ հարկեր են մուծում պետությանը, աշխատատեղեր են ստեղծում, և պետությանը ձեռնտու չէ, որ այդ կազմակերպությունները սնանկանան և նպաստառուների մի մեծ բանակ գոյանա։

Football news:

Saul: if Real Madrid win La Liga, it will only be because they deserve it. VAR puts a penalty in their favor, as they put pressure on the opponent
Tiago put his house in Munich up for sale. Liverpool was Interested in him
Glushakov before the game with Spartak: I have no problems with the fans
Olivier Giroud: I'm Glad that my goal helped Chelsea win
Hulk: the Contract with Shanghai ends in December. I don't want to play in China anymore
Inter will extend their contracts with Handanovic and D'ambrosio until 2022
Pep Guardiola: I would have stayed at Manchester City and in League 2