Hægir vindar og víða lítilsháttar væta í dag, en þokuloft við ströndina. Það birtir heldur til á Suðausturlandi upp úr hádegi, en styttir upp í kvöld, að því er fram kemur í hugleiðingum veðurfræðings.
Hiti 4 til 15 stig, hlýjast á Suðausturlandi í dag, en norðaustan til á morgun.
Allmikil, vaxandi lægð við Nýfundnaland þokast norður á bóginn, en úrkomusvæðið nálgast landið á morgun. Hvessir þá úr suðaustri fer að rigna vestan til um kvöldið.
Úrkomusvæðið þokast áfram til austurs á föstudag og rignir þá víða um land, en helst að mestu þurrt fyrir norðan.
Veðurvefur mbl.is