Please enable JavaScript
play-sharp-fill
Íþróttavikan heldur áfram að rúlla á 433.is og í Sjónvarpi Símans á svæði Hringbrautar. Helgi Fannar Sigurðsson og Hrafnkell Freyr Ágústsson hafa umsjón með þættinum og að þessu sinni var gestur Gunnhildur Yrsa Jónsdóttir, leikmaður Stjörnunnar.
Íslenska kvennalandsliðið var í eldlínunni í Þjóðadeildinni á dögunum. Liðið vann Wales 1-0 en tapaði svo 4-0 fyrir Þjóðverjum og hefur hlotið mikla gagnrýni.
„Auðvitað vill maður sjá liðið halda betur í boltann og vera með skýrt plan sem maður sér í uppspilinu og sóknarleiknum,“ sagði Hrfankell.
Hann segir að þetta hafi verið vondur tími til að mæta Þýskalandi.
„Þær töpuðu á móti Danmörku og það var allt brjálað í fjölmiðlum. Þær ætluðu að sína sitt rétta andlit í þessum leik.“
Gunnhildur, sem lagði landsliðsskóna á hilluna í sumar, telur íslenska liðið fá ósanngjarna gagnrýni hér heima.
„Ég held það. Ef þú miðar þetta við EM hafa orðið einhverjar 15 breytingar á hópnum. Ég hef náttúrulega verið í kringum allar þessar stelpur og hef svo mikla trú á þeim. Þetta er frábær hópur og gæðaleikmenn, miklu betri fótboltamenn en ég var. En auðvitað tekur smá tíma fyrir leikmenn að spila sig saman svo þetta smelli allt.
Bíðið bara, þetta verður frábært landslið og er það í dag.“
Umræðan í heild er í spilaranum.
