Macedonia

Додик: Многу е реално Република Српска да биде самостојна

„Бошњаците можат да сонуваат што сакаат и тоа не е забрането. Меѓутоа, посакувам Република Српска да биде самостојна, што е многу реално. Верувам во реалноста која се вика Република Српска, а не верувам во имагинацијата наречена БиХ“, кажа Додик.

Тој кажа дека очекува САД и Европа заеднички да извршат дополнителен притисок врз БиХ, но дека ниедна одлука нема да може да биде донесена без локалните структури и легитимните претставници на народот.

Наведе дека „често може да се слушнат луѓе од САД, кои велат дека БиХ не е завршена работа, а дека границите се дефинитивни“.

„Како можете да кажете дека работата не е завршена, а дека границите се дефинитивни? Што е тогаш завршено? Сакате да нè турнете во гето во кое Сараево ќе одлучува за сè на штета на Србите. Тоа не е возможно“, кажа Додик.

Според него, политичката ситуација во БиХ е „кревка“, бидејќи Федерацијата БиХ не успева да формира влада уште од општите избори во 2018 година.

Но, „за разлика од Федерацијата БиХ, ситуацијата во Република Српска е стабилна“, оцени тој.

„Република Српска сè прави во согласност со демократските капацитети, што сериозно почна да пречи. РС е единствената самоодржлива во БиХ и, ако се тргнат странците, БиХ би пропаднала за 24 часа“, смета Додик.

Тој наведе дека БиХ имала најголем број милитанти на сириското боиште, на страната на Исламска држава, а „сега се поставува прашањето каде се тие милитанти. Западот сака да ги врати во БиХ, а со постоечките вахабистички заедници во БиХ имаме сериозен безбедносен проблем, а особено кога на тоа ќе се додадат емигрантите“.

Football news:

Holland scored 100 goals in 146 games. Messi needed 210 games, Mbappe-180, Ronaldo-301, Zlatan-245
Holand's cousin put on a show in Norway: he scored 64 goals in 37 matches-and went to Molde's youth team (on the Erling route)
Bruno Fernandes: I can create 10 chances, but not score, and they will say that I did not play very well
Holand scored 29 goals in 27 games of the season. In total, he has 45 goals in 46 games for Borussia Dortmund
Alaba leaves Bayern for money. It's reasonable, the career is short. Former Borussia and Juventus defender Jurgen Kohler has commented on the likely departure of defender David Alaba from Bayern Munich
The offer of Real Madrid to Ramos on a new contract will be valid until the end of March
Paulo Fonseca: We've seen how many injuries Real Madrid and Liverpool have. The calendar is inhumane