Macedonia

Пронајдена црната кутија од авионската несреќа во Пакистан во која загинаа 97 луѓе

„Пронајдена е црната кутија со сите податоци за летот, каде е снимена комуникацијата на пилотот и истата е предадена на истражната комисија“, изјави денеска Абдулах Кан, претставник на пакистанската авиокомпанија, по вчерашниот пад на пакистанскиот авион каде што засега се потврдени 97 жртви.

Пронајдени се само двајца преживеани.

„Сега е потврдено дека загинале 97 луѓе од авионот“, рече Миран Јусуф, портпаролка на прокринското Министерство за здравство.

Деведесет и еден патник и осум членови на екипажот се наоѓале во авионот „Ербас А320“, кој во петокот се урна во тесна улица во населено подрачје на Карачи, непосредно пред да слета на меѓународниот аеродром во овој град, потврди денеска портпаролот на пакистанската авиокомпанија. Ова значи и корекција на претходно споменатиот број на луѓе на летот ПК 8303, кога се сметаше дека биле вкупно 107, но офијално потврдена бројка е 99.

Според портпаролката, телата на патниците и екипажот биле пренесени во две болници, а досега се идентификувани 19 од нив.

Припадниците на армијата и службите за итни случаи ја минале ноќта користејќи тешки машини и хеликоптери за расчистување на областа, отстранувајќи ги урнатините од куќите и делови од остатоците на авионот.

Пронаоѓањето на двајцата преживеани, кои беа најдени уште на самиот почеток на спасувачката операција, остви надеж дека евентуално може да има и повеќе преживеани. Еден од преживеаните е претседател на Банката Панџаб, една од најголемите пакистански банки, изјави директорот на авиокомпанијата. Производителот на авиони „Ербас“ соопшти дека му дава техничка помош на Пакистан во истрагата за несреќата.

Шефот на „Пакистан интернешнл ерлајнс“ (ПИА), Аршад Малик, за чија компанија летал авионот на линијата ПК 8303, вети дека ќе спроведе транспарентна истрага со „Ербас“ за тоа што може да било причина за несреќата.

Авионот „Ербас“ летал од градот Лахор, на североистокот од земјата, кон Карачи на југ и се урнал во станбена зграда додека се приближувал кон аеродромот.

Пакистан ги продолжи домашните летови на 15 мај по карантинот поради коронавирусот. Меѓународните линии се во застој до крајот на мај.

Football news:

Barcelona are Interested in 18-year-old midfielder Herta Samardzic
Mainz on Werner's hat-trick: Klopp, can you finally take him in?
La Liga can resume on June 11 with a match between Sevilla and Betis
92:48. 6 years since the moment that changed the history of real. Ramos on Atletico's goal in the Champions League final
Arsenal started to fall apart, and I wanted to win. Money is not important. Ashley Cole on the move to Chelsea
The championship conducted 1014 tests for coronavirus and identified two cases of infection. Both are in hull
Is this really happening? Fernandinho on returning to training