Macedonia

Тачи: Започнаа консултациите за формирање на новите косовски институции

Претседателот на Косово, Хашим Тачи, по денешните одделни средби со премиерот во оставка и лидер на Движењето самоопределување (ВВ) Албин Курти и претседателите на Демократскиот сојуз на Косово (ЛДК) и на Демократската партија на Косово (ПДК), Иса Мустафа и Кадри Весели, изјави дека наредните чекори за излез од ситуацијата создадена со изгласувањето недоверба на владата на Курти, ќе ги презема согласно Уставот и досегашната пракса.

Како што јави дописникот на МИА од Приштина, Тачи во неговото обраќање пред новинарите рече дека консултациите со парламентарните политички партии ги врши со цел да создаде база на мислења и да ги оформи натамошните дејствија кои треба да ги преземе како претседател на државата по разрешувањето на владата.

– Моја основа за понатаму ќе биде целосното почитување на граѓанскиот легитимитет изразен на (парламентарните избори од) 6 октомври, имајќи го целосно предвид разрешувањето на Владата на 25 март. Сите мои натамошни дејствија ќе бидат транспарентни и целосно во согласност со Уставот на Република Косово, со законите, но и со поранешната пракса. А досегашните пракси се оние кои беа декларирани според волјата на политичките партии, изјави Тачи.

Тој се осврна и на ситуацијата предизвикана од епидемијата на Ковид-19 и, повикувајќи ги граѓаните да ги почитуваат препораките и мерките на надлежните власти, рече дека, без оглед на сé, институционалниот живот продолжува.

– Без оглед на проблемите кои ги имаме поради коронавирусот, институционалниот живот во Косово продолжува и, нормално, функционирањето на демократијата ќе продолжи. (…) По изгласаната недоверба на Владата од 25 март, принуден сум, почитувајќи ги Уставот и законите, да ги започнам консултациите со политичките партии, со нивните лидери, за наредните чекори за функционализирање на институциите на Република Косово, или за основање на новите институции, на новата влада, изјави Тачи.

По денешните средби со Курти, Мустафа и Весели, за утре се закажани средби на претседателот на државата со лидерите на Алијансата за иднината на Косово (ААК), Рамуш Харадинај, на партијата на косовските Срби, Српска листа (СЛ), Горан Ракиќ и на Социјалдемократската иницијатива (Нисма), Фатмир Лимај, како и со претставници на групата Г6, односно пратениците од партиите на немнозинските етнички заедници во Косово.

Football news:

Wife of Ukrainian football player Morozyuk: It's a lie that men are polygamous and women are not. This society imposes
Kylian Mbappe: Winning the Champions League with PSG is something special. Personal awards will be a bonus
Lothar Matteus: flick is a bit like Heynckes and Hitzfeld. He can work with the stars
The President of Rennes expects Kalavinka will not go away in the summer. The midfielder wants to buy real
Agent Musacchio: MATEO is happy in Milan. We want a new contract offer
Athletes are outraged by the death of African-American George Floyd
Valencia can replace Ferran Torres with Porto's Otavio midfielder