Georgia

პირველად 12 მარტის შემდეგ რუსული ნავთობის ფასმა 30 დოლარს გადააჭარბა

რუსული წარმოების ყველაზე მოთხოვნადი URALS-მარკის ნავთობის ფასი ორშაბათს 1,2 დოლარით გაიზარდა და 30 დოლარს გადააჭარბა. ეს მარტის შუა რიცხვების შემდეგ რუსული ნავთობის ყველაზე მაღალი ფასია. 

რუსული ნავთობის ფასი გაიზარდა ხმელთაშუაზღვის რეგიონშიც. ანალიტიკოსების აზრით, ნავთობზე ფასები აღდგენა OPEC-ისა და რუსეთის ახალ შეთანხმებას უკავშირდება, რომელიც ნავთობის მოპოვების რეკორდულ შემცირებას ითვალისწინებს.

ფასების ზრდის კიდევ ერთი ფაქტორი ნავთობზე გაზრდილი მოთხოვნაა. საერთაშორისო ენერგეტიკული სააგენტოს მიერ მომზადებული დასკვნის მიხედვით, აპრილთან შედარებით მიმდნარე თვეში ნავთობზე საერთაშორისო მოთხოვნა დღეში 700 ათასი ბარელით გაიზარდა. 

გასული თვეები რუსული სანავთობო ინდუსტრიისთვის ბოლო ათწლეულელებში ყველაზე მძიმე აღმოჩნდა. ამ პერიოდში რუსული ნავთობის ფასმა, რამდენიმე ისტორიული ანტირეკორდი განაახლა. მათ შორის, პირველ აპრილს რუსული URALS-ის ფასი 10,5 დოლარს გაუტოლდა, რაც 1999 წლის შემდეგ ყველაზე დაბალი მაჩვენებელი იყო. 

რაღაც პერიოდით რუსეთის ბიუჯეტი ვერ იღებდა ვერანაირ შემოსავალს სანავთობო ინდუსტრიიდან. რუსეთის ფინანსთა სამინისტროს ინფორმაციით, 15 მარტიდან - 15 აპრილამდე პერიოდში URALS-ის საშუალო ფასი ბარელზე 19 დოლარი იყო, ხოლო ტონაზე 139 დოლარი. შესაბამისად, პირველი მაისიდან საექსპორტო ტარიფი ტონაზე 6,8 დოლარი, ხოლო ბარელზე 90 ცენტი იქნება. სწორედ ამდენს მიიღებს რუსეთის ბიუჯეტი ყოველი გაყიდული ბარელიდან თუ ტონიდან. 

საერთაშორისო სავალუტო ფონდი წელს რუსეთის ეკონომიკას 5,5%-იან კლებას ვარაუდობს. 

Football news:

Jose Mourinho: I Believe Tottenham can win trophies under me
Pep Guardiola: Second place in the Premier League is more important than winning English cups
The 1966 world champion Jack Charlton has died at the age of 85
Smart ticket sales in Poland: roommates sit next to each other, social stations are created automatically, and attendance increases by 20%
A gay player from the Premier League wrote an anonymous letter published in The Sun: I hope that one day I will be able to confess. I feel trapped
Zinedine Zidane: what Courtois does in every game is phenomenal
Tottenham fans will launch a plane with a Levi banner-on the way out at the game with Arsenal