logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Belarus

Дынастычная прыма Зоя Белахвосцік

Зоя Белахвосцік

Яе дзед Глеб Глебаў і бацька Валянцін Белахвосцік – абодва народныя артысты, служылі ў купалаўскай трупе – асобы-эпохі нацыянальнага тэатра. Можна сказаць, Зоя Белахвосцік ужо нарадзілася знакамітай. Думаеце, гэта лёгкая ноша? Гэтыя родавыя бліскаўкі маглі стаць не ўпрыгажэннем, а прыкрай мішурой у творчай біяграфіі, калі б са светлым німбам сямейнай вядомасці продкі не падарылі ёй велізарную працаздольнасць, дысцыплінаванасць і сціпласць. І, натуральна, зерне акцёрскага дару.

З гадамі ўсё гэта сплавілася ў самабытны талент, якім Зоя Валянцінаўна, таксама актрыса Купалаўскага тэатра, хутка адмяла ўсякія сумненні ў яе праве на прафесію. Яна вельмі рана атрымала званне заслужанай артысткі. А вось наступная прыступка, званне народнай, трохі затрымалася, быццам правяраючы яе на трываласць…

– Зоя Валянцінаўна, “Народная Воля” віншуе вас з высокім званнем народнай артысткі! Няхай гавораць, што гэта ўсё ўмоўнасці, але…

– …але яны ёсць у кожнай дзяржаве, толькі па-рознаму называюцца. Мне, несумненна, прыемна. Дый многія гледачы думалі, што народная я даўно, і цяпер вельмі здзівіліся гэтаму паведамленню. Прызнацца, гэты нюанс асабліва дарагі – калі афіцыйнае рашэнне ідзе ўслед за народным меркаваннем, а не наадварот.

– Калі вы 36 гадоў таму прыйшлі ў Купалаўскі, вы былі ўпэўнены, што гэта назаўжды?

– Вядома.

– То бок вы такі адналюб?

– Адналюб ва ўсім!

– І будні вас не стамляюць? Ніколі не хацелася крута скокнуць?

– Скокнуць можна было ў маладосці, тым больш былі ўсякія прапановы. Але калі гэтыя прапановы паступалі – напрыклад, у Польшчу з’ехаць, – у мяне якраз у тэатры адбывалася нешта добрае, ды і ў краіне справы наладжвалiся. І я не разумела, навошта гэта трэба рабіць. Потым быў перыяд, калі я пра гэта пашкадавала, але толькі крыху. Наогул, пасля інстытута я зусім не спадзявалася трапіць адразу ў Купалаўскі…

– Напэўна, з-за дзядулі і таты, знакамітых артыстаў-купалаўцаў?

– І гэта таксама.

– Дынастыя доўга ціснула на вас?

– Доўга. Першыя дзесяць гадоў дакладна. Актрысе лепш пачынаць свой творчы шлях
незнаёмкай. А калі за тваёй спінай такая, як у мяне, тэатральная сям’я, гэта велізарная адказнасць, вялікі цяжар. Хрыбет можа і не вытрымаць. Таму маёй дачцэ яшчэ горш. У мяне хоць тата ды дзядуля, а актрысу Валянціну Гарцуеву параўноўваюць яшчэ і “па жаночай лініі” – якая яна ў параўнанні са мной. Не ведаю, як яна ўсё гэта пераносіла спачатку. Зараз яе пазіцыі ўмацаваліся…

Поўны тэкст інтэрв’ю з Народнай артысткай Беларусі Зояй Белахвосцік чытайце ў газеце «Народная Воля» за 9 студзеня.

All rights and copyright belongs to author:
Themes
ICO