Belarus

У Нью-Ёрку памерла беларуская актывістка, сябра Рады БНР Раіса Станкевіч

У Нью-Ёрку памерла беларуская актывістка, сябра Рады БНР Раіса Станкевіч
Раіса Станкевіч (справа) і Ева Пашкевіч, 1976 год

Раіса Станкевіч шмат гадоў была старшынёй Асацыяцыі беларуска-амэрыканскай моладзі.

Раіса Станкевіч шмат гадоў была старшынёй Асацыяцыі беларуска-амэрыканскай моладзі, сябрам рэдкалегіі газэты «Беларус», старшынёй рэдкалегіі часопісу «Беларуская моладзь».

Яна нарадзілася ў 1941 годзе ў Наваградку, пакінула Беларусь разам з бацькамі, Станіславам і Зінаідай Станкевічамі, у 1944 годзе. Жыла зь сям’ёю ў Мюнхэне, вучылася ў нямецкай школе, паведамляе «Радыё Свабода».

У 1958 г. прыехала ў ЗША. У 1973 г. скончыла ўнівэрсытэт сьв. Яна ў Нью-Ёрку, дзе атрымала ступень магістра біялягічнай хіміі.

У канцы 1960-х гг. была выхавацелькай у беларускім дзіцячым садку. Належала да Беларуска-амэрыканскага рэспубліканскага клюбу ў Нью-Ёрку (з 1970). У 1970-х гг. — сябра Галоўнай управы Беларуска-амэрыканскага задзіночаньня (БАЗА) і Ўправы Нью-Ёрскага аддзелу БАЗА. Старшыня Нью-Ёрскага аддзелу Задзіночаньня беларуска-амэрыканскай моладзі (ЗБАМ), старшыня Асацыяцыі беларуска-амэрыканскай моладзі (АБАМ), радная БНР. У 1980-х гг. — сакратар Рады дырэктараў Славянскай харытатыўнай рады. Была сябрам рэдкалегіі газэты «Беларус», старшынёй рэдкалегіі часопісу "Беларуская моладзь"/Byelorussian Youth.

У 1987 г. скончыла факультэт русістыкі Гантэрскага каледжу Гарадзкога ўнівэрсытэту Нью-Ёрку, абараніўшы магістарскую працу па гісторыі Беларусі пачатку ХХ ст. Шмат гадоў працавала ў дасьледчай лябараторыі Слоўн-Катэрынскага цэнтру вывучэньня раку (Манхэтан, г. Нью-Ёрк).

У апошнія гады Раіса Станкевіч цяжка хварэла, ёй дапамагалі амэрыканскія беларусы, асабліва — пакуль была ў стане — Юлія Андрусышын, маці сьпевака Данчыка.

Раіса Станкевіч памерла 16 траўня ў Нью-Ёрку.

Football news:

Song Heung-min dedicated a goal to Eriksen, scoring for Korea. He showed the 23rd number on his fingers
De Jong on the Ukrainian national team: They show solid football. This is a serious opponent
Modric on Croatia at the Euro: We expect a lot from ourselves. Ready for the battle with England
Eriksen's former Tottenham doctor: I thought: Oh my God! Did we miss something? But the results of his tests are perfect
The coach of North Macedonia on the status of the Euro outsider: This gives additional motivation. We have prepared well
Kane before Croatia: England are strong enough to get out of the group. You can't win a tournament with one match
Zinchenko before the match with the Netherlands: We play not only for ourselves, but also for the whole country