Iceland

Arftaki McLaren F1 er hinn 650 hestafla T50

Gordon Murray hefur hannað ofurbíl sem er verðugur arftaki McLaren F1 sem Murray hannaði einnig og kom út árið 1992. Hulunni hefur nú verið svipt af T50 sem eins og F1 er með bílstjórasætið í miðjunni og tvö aftursæti.

T50 er samkvæmt Murray sjálfum „hreinræktaðasti og mesti ökumanns miðaði bíll sem hefur verið smíðaður“. Hann er léttur, með vélina á milli öxla og almennt úr koltrefjum (e. carbon fiber). Nafnið, T50 kemur til vegna þess að þetta er fimmtugasti bíllinn sem Murray hannar á yfir hálfrar aldar ferli.

Bílstjórasætið í T50 er miðjusett eins og í McLaren F1 bílnum sem Murray hannaði og kom út árið 1992.

Bíllinn notar endurbætta og fágaða útgáfu af kjölsoginu sem styðst við viftu aftan á bílnum. Tæknin var fyrst notuð á Brabham BT46B Formúlu 1 bílnum árið 1978. Bíll sem síðar var tekinn úr umferð í Formúlu 1 eftir einungis eina keppni, sænska kappaksturinn sem fram fór þann 17. júní 1978, þar sem Niki Lauda vann með rúmlega hálfrar mínútu forskoti á bílnum. Bíllinn var tekinn úr keppni eftir þessa einu keppni af pólitískum ástæðum.

T50 er búinn 650 hestafla Cosworth vél, V12 sem snýst allt að 12,100 snúninga. Bíllinn verður smíðaður í 100 eintökum fyrir götuna, í Surrey í Bretlandi í Gordon Murray Automotive verksmiðjunni. Bíllinn er beinskiptur, sex gíra.

Gordon Murray, maðurinn á bak við T50, situr í hurðaopinu á bílnum.

Fyrsti bíllinn á að skila sér til eiganda í janúar árið 2022. Allir bílarnir verða framleiddir það ár. bílanna lýkur verða smíðaðir 25 harðkjarna kappakstursbílar. Murray segir að það væri skemmtilegt ef bíllinn gæti tekið þátt í kappakstri en vill ekki gefa neitt út um hvaða mótaröð hann hefur í huga.

Bíllinn er miðaður að því að vera nothæfur í amstri hversdagsins, þrátt fyrir að vera ofurbíll. Hann hefur því að geyma þónokkuð farangursrými fyrir bíl í þessum flokki.

Verðið

T50 kostar 2,8 milljónir sterlingspunda, andvirði tæplega 497 milljóna króna. En það þarf að hafa hraðar hendur, flestir bílarnir eru þegar seldir, innborgunin er 600.000 sterlingspund eða 106,5 milljónir króna.

Football news:

Ronald Koeman: It's normal for Messi to be sad about a friend leaving. Leo is a model for everyone in training
Brighton are the kings of bad luck. Set a Premier League record on bars (5 times per match!), lost to Manchester United due to a penalty after the final whistle
Solskjaer on 3-2 with Brighton: Manchester United deserved one point, no more. Good thing there is no Mourinho to measure the goal
Brighton coach on 2:3 with Manchester United: Sometimes life is unfair. We dominated
The referee blew the final whistle, but after VAR awarded a penalty in favor of Manchester United. Bruno scored in the 99th minute after Brighton's goal in the 95th
Koeman on Suarez's departure: I'm not the villain in this movie. This is the club's decision
Maguire scored the 2nd goal for Manchester United in the Premier League and the first since February