Iceland

Átta marka jafntefli í ótrúlegum leik á Nesinu

Grótta og HK mættust í ótrúlegum knattspyrnuleik á Vivaldi-vellinum á Seltjarnarnesi í 4. umferð. Komst Grótta tvívegis tveimur mörkum yfir, en HK jafnaði í bæði skiptin og urðu lokatölur 4:4, en Gróttumenn léku manni færri frá 37. mínútu. 

Gróttumenn byrjuðu af miklum krafti og Pétur Theódór Árnason var búinn að koma liðinu yfir eftir aðeins 90 sekúndur er hann kláraði vel af stuttu færi eftir flotta fyrirgjöf Axels Sigurðssonar. Var markið það fyrsta sem Grótta skorar í efstu deild frá upphafi. 

Axel sá sjálfur að gera annað mark Gróttu er hann slapp í gegn eftir stórglæsilega sendingu Kristófers Orra Péturssonar og kláraði glæsilega framhjá Sigurði Hrannari Björnssyni í marki HK. 

HK-ingar fengu hinsvegar líflínu á 37. mínútu þegar Ásgeir Marteinsson komst í fínt skotfæri og lét vaða, endaði boltinn í hendinni á Patrik Orra Péturssyni sem fékk sitt annað gula spjald og þar með rautt og HK fékk víti. Atli Arnarson fór á punktinn og skoraði af öryggi og var staðan í hálfleik 2:1. 

HK-ingar voru fljótir að nýta sér liðsmuninn í seinni hálfleik. Birkir Valur Jónsson átti sendingu á Arnþór Ara Atlason á fimmtu mínútu seinni hálfleiks og Arnþór skilaði boltanum í bláhornið með fallegu skoti og staðan 2:2. 

Eftir jöfnunarmarkið voru Gróttumenn hinsvegar miklu betri aðilinn og komust verðskuldað yfir á 62. mínútu er Ástbjörn Þórðarson skoraði með fallegu skoti eftir hornspyrnu. Fjórða mark Gróttu kom sömuleiðis eftir hornspyrnu en þá skallaði Karl Friðleifur Gunnarsson í bláhornið á 65. mínútu og tíu Gróttumenn komnir tveimur mörkum yfir. 

HK-ingar gáfust ekki upp því á 75. mínútu komst Valgeir Valgeirsson upp hægri kantinn og sendi fyrir á óvaldaðan Arnþór Ara sem átti ekki í vandræðum með að skora sitt annað mark í leiknum.

Átta mínútum síðar var staðan orðin jöfn. Ásgeir Börkur Ásgeirsson slapp í gegnum vörn Gróttu, skaut að marki en Hákon varði en missti boltann frá sér og Ari Sigurpálsson fylgdi eftir og skoraði af mjög stuttu færi. 

Hvorugt liðið náði að skapa sér gott færi það sem eftir lifði leiks og niðurstaðan því jafntefli í ótrúlegum leik. 

Meira á leiðinni. 

Lýsing uppfærist sjálfkrafa

Allar lýsingar í beinni

Aðrir virkir leikir

Leiklýsing

90. mín. Guðmundur Þór Júlíusson (HK) fær gult spjald Of seinn í Hákon og straujar markvörðinn sem liggur eftir.
mbl.is

Football news:

Frankie de Jong: Barca have a lot of problems, the match with Bayern showed that. A lot of things need to change
Philippe Coutinho: it was unusual to Play against Barca, but I have a contract with Bayern
Bartomeu does not intend to retire after 2:8 from Bayern
Bayern punished Barcelona for an 8-man defense. In this match, Messi was the problem, not the solution
L'equipe put Setien one for 2:8 with Bayern. For the first time, such an assessment was received by a coach
Pozornik! Barca fans met the team at the hotel after 2:8 from Bayern
Bayer's CEO confirmed that Havertz wants to leave the club