Iceland

Ellefu sektaðir og tveimur vísað úr landi

Lögreglan á höfuðborgarsvæðinu hefur birt ellefu Rúmenum sektarboð að upphæð 150 til 200 þúsund krónur fyrir brot á sóttkví, auk þess sem tveimur af þeim hefur verið birtur úrskurður Útlendingastofnunar um frávísun úr landi.

Eftir á að koma í ljós hvort fleiri úr hópnum verður vísað úr landi, að sögn Ásgeirs Þórs Ásgeirssonar, yfirlögregluþjóns hjá lögreglunni á höfuðborgarsvæðinu.

Embætti ríkislögreglustjóra sér um framkvæmdina á brottvísun Rúmenanna en ekkert er búið að ákveða hvenær hún verður, að sögn Ásgeirs Þórs.

Fyrir utan þessa ellefu sem birt hefur verið sektarboð af lögreglunni á höfuðborgarsvæðinu þá fer lögreglan á Suðurlandi með mál Rúmenanna þriggja sem voru handteknir fyrst hér á landi grunaðir um þjófnað og fyrir að hafa brotið lög um sóttkví.

Að sögn Sveins Kristjáns Rúnarssonar, yfirlögregluþjóns hjá lögreglunni á Suðurlandi, er rannsókn málsins langt komin og mun henni ljúka á næstu dögum. Þremenningunum hefur ekki verið birt sektarboð en tveir þeirra eru í einangrun í sóttvarnarhúsinu eftir að hafa greinst með kórónuveiruna. Lögreglan á höfuðborgarsvæðinu mun ákveða hvort þeim verður vísað úr landi í samráði við Útlendingastofnun.

Spurður út í andvirði þýfisins sem þeir stálu hér á landi þá gat Sveinn Kristján ekki nefnt nákvæma upphæð en sagði að ekki hafi verið um neinn stórþjófnað að ræða.

mbl.is

Football news:

Sandro Rosel: Messi will not be a pawn in Barca's presidential election. He's too smart
De Rossi or Spalletti can lead Fiorentina
Chelsea have resumed talks with Willian about a new contract
Pogba wants to stay at Manchester United
Doping officers visited the Barca base and checked Griezmann, Busquets and Fati (MD)
Varane may miss the match with athletic
Martinelli has signed a long-term contract with Arsenal