Iceland

Léttir að ljúka sex mánaða leit

Leit sem hefur staðið yfir með hléum frá því í lok desember lauk áðan þegar björgunarsveitarmenn fundu lík Andris Kalvans við Illagil í Haffjarðardal í hádeginu í dag. Andris er sextugur Lithái sem var búsettur á höfuðborgarsvæðinu.

Hann sást síðast 28. desember 2019 en var fyrst saknað 30. desember, þegar bíll hans hafði staðið yfirgefinn við Heydalsveg í tvo eða þrjá daga. Var þá haft uppi á vinnuveitanda Andris, en hann átti ekki fjölskyldu eða aðstandendur hér á landi.

Aðstæður til leitar hafa verið erfiðar á svæðinu síðustu mánuði en Andris var þó talinn af fyrir nokkru. Ekki var því um lífsbjargandi leit að ræða í dag, en hann fannst eftir að hafa legið undir snjó. Við krufningu á eftir að koma betur í ljós hvað olli dauða mannsins.

Gott að fá endi á málið

Einar Strand, formaður svæðisstjórnar Landsbjargar á Snæfellsnesi, segir það létti að vera búinn að finna manninn. „Það er mjög gott að fá endi í þetta, ekki bara fyrir aðstandendur heldur líka bara fyrir björgunarsveitirnar. Okkur finnst ekki þægilegt að svona fari frá okkur án þess að við getum klárað það en við getum heldur ekki haldið áfram út í hið óendanlega. Ég fann það því á öllum áðan að þeim var létt að þessu máli væri lokið,“ segir hann. 

Um 100 manns úr sveitum víða af landinu tóku þátt í leitinni, sem hófst klukkan 9 í morgun. Aðstæður voru að sögn með besta móti ólíkt því sem verið hefur, en ekki hefur verið unnt að ráðast í víðtækar leitir undanfarið vegna aðstæðna.

mbl.is

Football news:

Juventus highly rates Raul Jimenez. He's like Pirlo and Partici
Juventus are seriously Interested in Atletico midfielder Thomas
Champions League format for Atletico: Simeone's team is still an underdog, but now they have the best chance
Atletico claims the goalkeeper of the national team of Serbia and Eibar Dmitrovic, compensation – 20 million euros
The FA Cup will be held without replays in the 2020/21 season, and there will be one match in the 1/2 final of the League Cup
Ronaldo's entourage denied the option of moving to Barcelona. Cristiano is happy at Juventus
Matuidi moved to Inter Miami Beckham