Iceland

Níu metra háum strumpi stolið frá tjaldsvæðinu í Þrastarskógi

Furðulegur þjófnaður átti sér stað á tjaldsvæðinu í Þrastarskógi, skammt frá veitingastaðnum Þrastarlundur, og ekki langt frá Selfossi, er strumpi sem uppblásinn er heilir níu metrar að hæð, var stolið beint fyrir utan afgreiðsluna.

„Við erum nýbúin að opna aftur eftir breytingar og við vorum með þennan strump. Hann var ekki uppblásinn, vorum nýbúin að taka  hann niður þegar við fórum inn, og fimm mínútum síðar var hann horfinn,“ segir starfsmaður tjaldsvæðisins í samtali við DV.

Svona lítur strumpurinn út uppblásinn. Enginn smásmíði.

Hann viðurkennir að málið sé spaugilegt en þetta sé engu að síður bagalagt: „Það eru allir búnir að vera að hlæja að þessu og ég skil það. Þetta er rándýr strumpur og allt það. En þetta er með fáránlegri hlutum sem hægt er að stela, níu metra hár strumpur! Þetta er eini svona strumpurinn á landinu og það eru ekki einu sinni til margir svona í heiminum. Þú selur þetta ekkert og þú ert ekki að fara að blása þetta neins staðar upp!“

Að sögn starfsmannsins var tjaldsvæðið í Þrastarskógi opnað að nýju í gær eftir breytingar og endurbætur. Strumpurinn hafði um stutt skeið staðið þarna uppblásinn sem auglýsing, með upplýsingar um tjaldsvæðið á áhangandi skilti. Þegar honum var stolið lá hann loftlaus í jörðinni og starfsfólkið hafði brugðið sér frá inn í hús til að borða kvöldmat. Að sögn starfsmannsins hefur þjófnaðurinn aðeins getað átt sér stað á um fimm mínútna tímakafla.

„Við erum nýbúin að taka við svæðinu og höfðum verið að leggja rafmagn og setja upp heitt og kalt vatn. Svo hefur strumpurinn verið blásinn upp þegar vel viðrar,“ segir starfsmaðurinn og bendir á að auðvelt sé að stela strumpinum þegar hann er loftlaus:

„Þetta er bara eins og svartur ruslapoki ef einhver treður þessu inn í bílinn sinn.“

Að sögn starfsmannsins er verðmæti strumpsins um 400 þúsund krónur. Hann er fullkomlega gagnslaus öðrum en þeim aðila sem ætlaði að nota hann í auglýsingaskyni, tjaldsvæðinu í Þrastarskógi.

Starfsmaðurinn leggur áherslu á að ef strumpinum verður skilað aftur verða engir eftirmálar af verknaðinum. Allir sem kunna að hafa upplýsingar um  málið eru beðnir um að hafa samband í síma: 8230096

Football news:

Xavi: Messi needs Barcelona and Barca needs Leo. If he is happy, the club will win more trophies
Ex-referee Andujar Oliver on Saul's fall: there Was a light touch of the goalkeeper, but it was not a penalty
Alfonso Davies: As a child, I adored Messi, and now I will defend against him
Mesut Ozil: you get Disappointed when you know how good you are, but they don't let you out
Rummenigge on the match with Barca: Davies will take care of Messi. Alfonso has not been beaten this season
Flick about the Champions League match: This is not Bayern against Messi, but a game against Barcelona
Xavi: Setien's Barca Game is very similar to Cruyff's style