Iceland

Taldi sig hafa fest öngulinn

Þegar Przemyslaw Mokwinski og veiðifélagar hans tveir, Jacek Deba og Sylwia Pakulak, sigldu um hafið bláa úti fyrir Rebbenesøya í Troms í Norður-Noregi með digran öngul í sjó undir lok júlí var það annað og meira en hin hefðbundna soðning sem þau drógu úr greipum ægis.

Öll þrjú eru pólsk en búsett í Noregi og hefur Mokwinski nýlega fest kaup á gömlu skólahúsi á Rebbenes-eyjunni þar sem hann ætlar sér að koma upp fiskveiða- og ferðamannamiðstöð við opið gin Noregshafs, 90 kílómetra frá norðurlandshöfuðstaðnum Tromsø.

Skyndilega kom svo mikill slinkur á bátinn að fyrsta hugsun Mokwinski var að hann hefði fest öngulinn í botninum. Þegar eitthvað undir yfirborðinu tók hins vegar að draga bátinn á eftir sér læddist að honum sá grunur að einhver forsöguleg skepna hefði bitið á öngul hans úti fyrir strönd Norður-Noregs af öllum stöðum.

„Aldrei séð svona stóran fisk áður“

Áhöfnin lagðist nú á eitt við að draga inn færið sem gekk hægt en þokaðist þó og er vatnsflöturinn rofnaði mætti þríeykinu pólska sú sýn er lengi mun uppi verða um gervöll nyrstu héruð Noregs.

Gríðarmikil lúða horfðist í augu við sæfarana pólsku og leist greinilega ekki á blikuna. Eftir myndatökur tóku þau til við að drösla risanum að landi en lúðan reyndist við vigtun ein 187 kílógrömm og mældist 2,34 metrar á lengd.

„Þetta var hálfur annar tími í bardaga við að koma henni að landi. Við höfum aldrei séð svona stóran fisk áður og var verulega brugðið,“ segir Mokwinski í samtali við dagblaðið VG, en við Fiskeavisen sagði hann að atburðurinn hefði verið draumi líkastur, hann hefði talið sig hafa sett í forsögulegt skrímsli.

Lúðan mikla fékk þó frelsi sitt á nýjan leik eftir vigtun og mælingu þar sem norska sjáv­ar­út­vegs­ráðuneytið setti regl­ur um það árið 2017 að veidd­um lúðum, yfir tveggja metra lengd, skyldi veita frelsi vegna þess hve óæski­legt þykir að þær fari í mann­eldi, dýr­in inni­halda oft­ast mikið magn þung­málma og eit­ur­efna eftir langa ævi í hafinu en hrygnan getur orðið 60 ára gömul, töluvert eldri en hængurinn, og stærðin eftir því.

Engin nýlunda er að risalúður komi úr sjó við Noreg, 6. októ­ber 2007 veiddi Tom Rich­ard Kristian­sen 314,5 kíló­gramma lúðu, þriggja metra langa og eins metra breiða, úti fyrir ströndum Finnmerkur.

Fiskeavisen

VG

mbl.is

Football news:

Julen Lopetegui: Neuer is an incredible goalscorer. Sevilla didn't use their chances
You should see Goretzky's goal again. Muller's goal and levandowski's discount - the magic of mutual understanding 🤝
Ivan Rakitic: We saw how important Neuer is for Bayern
Mueller - the best player of the match for the UEFA super Cup between Bayern Munich and Sevilla
Sevilla have five defeats in matches for the European super Cup. This is an anti-record
Bayern won 4 trophies in a year. To repeat Barca's record, you need to take two more
Stefano Pioli: we Must pay tribute to Çalhanoğlu. He can become a key player in Milan