Iceland

Þórólfur orðinn þreyttur á veirunni

Þórólfur Guðnason sóttvarnalæknir viðurkennir að hann sé nú, líkt og margir Íslendingar, kominn með leið á kórónuveirunni sem veldur COVID-19 og kveðst skilja það vel að Íslendingar séu orðnir þreyttir á aðgerðunum. Hann leggur þó áherslu á að það þýði ekki að gefast upp vegna þess enda ekki útlit fyrir því að hægt sé að sjá fyrir endann á faraldrinum, sem sé í vexti víða erlendis, í bráð.

Hann ræddi um ástandið í samfélaginu og aðgerðir vegna hugsanlegrar annarrar bylgju kórónuveirufaraldurs sem nú er í gangi í morgunþættinum Ísland vaknar í morgun og líkti faraldrinum meðal annars við ferðalag í Þórsmörk. 

Aldeilis ekki að sjá fyrir endann á faraldrinum

„Ég held að það sjái allir að það eru allir orðnir hálfþreyttir á þessu og ég skil það bara vel. Þetta er ástand sem menn héldu kannski að myndi ganga yfir á nokkrum mánuðum og væri svo bara búið. En það er aldeilis ekki svo. Faraldurinn er í vexti erlendis og aldrei hafa greinst jafn mörg tilfelli og núna. Þannig að við erum aldeilis ekki að sjá fyrir endann á þessum faraldri á heimsvísu,“ sagði Þórólfur í þættinum. Bætti hann við að á meðan ástandið í heiminum væri eins og það væri myndi veiran alltaf finna leið inn í landið, „jafnvel þótt við reynum að loka mikið eða lítið“, þá myndi hún komast inn. 

„En við munum hafa einhverja stjórn á því og lágmarka áhættuna með því að hafa þessa skimun í gangi,“ sagði hann. 

„Jú, ég er orðinn þreyttur á þessari veiru en það þýðir ekkert að gefast upp við það.“

Eins og ferðalag í Þórsmörk

Spurður um það hvort þjóðin væri nú komin aftur á upphafsreit varðandi faraldurinn sagði Þórólfur svo ekki vera. 

„Nei alls ekki, ég hefði líkt þessu við að við erum að fara inn í Þórsmörk og erum að fara yfir Krossá sem þvælist þarna um aurana. Við erum komin í eitthvað milliástand áður en við leggjum í næsta álinn,“ sagði Þórólfur. Sagði hann aðspurður að þjóðin væri á „fínum“ jeppa fyrir ferðalagið. „Ég held að hann sé bara fínn ef við stýrum honum rétt og förum rétt í strauminn. Þá komumst við yfir,“ sagði sóttvarnalæknir.

Þórólfur mun fara yfir stöðu mála á upplýsingafundi fyrir fjölmiðla klukkan 14 í dag ásamt Ölmu D. Möller landlækni og Víði Reynissyni yfirlögregluþjóni hjá almannavarnadeild ríkislögreglustjóra.

 Hlustaðu á allt viðtalið við sóttvarnalækni í spilaranum hér að neðan.

mbl.is

Football news:

Conte on 4:3 with Fiorentina: impressed with Inter's attack. We didn't have enough balance, we paid for it
Zidane about 3:2 with Betis: real can get better and will. A difficult game, but we believed in winning until the end
Dest said goodbye to the Ajax players and will fly to Barcelona today (Gerard Romero)
Vidal made his debut for Inter in the match against Fiorentina
Barcelona will only consider Zinchenko if Firpo leaves
The referee after VAR for a foul on Jovic removed defender Betis Emerson
Lampard replaced Kepu, but got 0-3 from West Brom in the first half. Then Chelsea got together and gave a comeback of the weekend: only the pupils scored