Нимҳимоятгари дастаи миллии Тоҷикистон Алишер Ҷалилов дар бошгоҳи АГМК-и Узбекистон ҷароҳат бардошта, дар марҳилаи интихобии Ҷоми Осиё-2023, ки аз 8 то 14 июн дар шаҳри Бишкеки Қирғизистон баргузор мешавад, ширкат варзида наметавонад. Дар ин бора ба АМИТ «Ховар» дар Федератсияи футболи Тоҷикистон хабар доданд.
23 май дар бозии сафарии Суперлигаи Узбекистон-2022 бо дастаи «Динамо»-и Самарқанд (2:1) Алишер Ҷалилов осеби ҷисмонӣ дид.
Ба ақидаи табиби дастаи мунтахаби Тоҷикистон Фаррух Авезов, муҳлати барқароршавии вазъи саломатии бозигар якуним моҳро ташкил медиҳад.
Акс: ФФТ
