Views: 1
ប្រែសម្រួលៈបំណង(ដេល្លីម៉េល)៖ អគ្គិភ័យបង្កឡើងដោយរន្ទះបាញ់ឃ្លាំងស្តុងប្រេងមួយកំពុងឆាប់ឆេះដល់ថ្នាក់មិនអាចគ្រប់គ្រងបានចាប់តាំងពីថ្ងៃសៅរ៍មកនៅក្នុងទីក្រុង ម៉ាតាន់ហ្សាស(Matanzas)របស់គុយបា ។ការផ្ទុះចំនួនបួននិងអណ្តាតភ្លើងបានបង្កអោយរបួសមនុស្ស១២១នាក់ និងបណ្តាលអោយអ្នកពន្លត់ភ្លើង១៧នាក់ទៅពីផ្នែកអគ្គិភ័យបាត់ខ្លួន។
ពួកអ្នកពន្លត់ភ្លើងនិងអ្នកឯកទេសកំពុងនៅព្យាយាមទប់ទល់និងពន្លត់ការឆេះនៅមូលដ្ឋានម៉ាតាន់ហ្សាស ស៊ូភើធែងឃឺ បេស(Matanzas Supertanker Base )កាលពីថ្ងៃសៅរ៍ កន្លែងដែលអគ្គិភ័យបានចាប់ផ្តើមក្នុងអំឡុងពេលមានផ្គររន្ទះកាលពីយប់ថ្ងៃសុក្រ នេះបើតាមការបញ្ជាក់ពីក្រសួងថាមពលនិងរ៉ែ។អាជ្ញាធរបាននិយាយថា មនុស្សប្រមាណ៨០០នាក់ត្រូវបានជម្លៀសចេញពីសង្កាត់មួយនៅក្បែរអគ្គិភ័យ។
អនុរដ្ឋមន្ត្រីការបរទេស កាឡូស ហ្វែរណង់ដេស ដឺ កូសស្យូ(Carlos Fernandez de Cossio)បាននិយាយថា រដ្ឋាភិបាលអាម៉េរិកបានសុំជួយជំនួយបច្ចេកទេសដើម្បីបំបាត់អណ្តាតភ្លើង។
ឧទ្ធម្គាគចក្រដឹកទឹកទម្លាក់លើកអណ្តាតភ្លើងនៅមូលដ្ឋានម៉ាតាន់ហ្សាស ស៊ូភើធែងឃឺ បេស
នៅប៉ុន្មាននាទីក្រោយមក ប្រធានាធិបតី មីហ្គែល ឌៀស-កាណែល បានអរគុណប្រទេសម៉ិកស៊ិច វ៉េណេស៊ុយអេឡា រុស្ស៊ី នីការ៉ាហ្កា អាហ្សង់ទីននិងឈីលី ចំពោះសំណើសុំជួយរបស់ប្រទេសទាំងនេះ។ជើងហោះហើរគាំទ្រដំបូងមកពីម៉ិកស៊ិចនិងវ៉េណេស៊ុយអេឡា ត្រូវរំពឹងទៅដល់អាកាសយានដ្ឋានម៉ាតាន់ហ្សាសនៅយប់ថ្ងៃសៅរ៍។
ទីភ្នាក់ងារសារព័ត៌មានគុយបាបាននិយាយថា រន្ទះបាញ់ត្រូវចំធុងស្តុងប្រេងមួយដោយបង្កការចាប់ផ្តើមការឆេះមួយនិងអគ្គិភ័យបានកើតមានតាមក្រោយហើយរាលដាលដល់ធុងទីពីរ។ឧទ្ធម្ភាគចក្រយោធាបានដឹកទឹកទម្លាក់ចុះពីលើនៅពេលផ្សែងខ្មៅដ៏ក្រាស់ហុយចេញពីទីតាំងនោះទៅខាងលិចដល់ទៅចម្ងាយជាង១០០គីឡូម៉ែត្រឆ្ពោះកាន់រដ្ឋធានីឡាហាវ៉ាន។
ប្រធានក្រុមពន្លត់អគ្គិភ័យនៅម៉ាតាន់ហ្សាសបាននិយាយថា អ្នកពន្លត់ភ្លើងបានខិតខំបាញ់ទឹកលើធុងប្រេងមិនទាន់ឆេះដើម្បីរក្សាអោយវានៅត្រជាក់ និងកុំអោយភ្លើងរាលដាល។
រដ្ឋមន្ត្រីសុខាភិបាលគុយបាកាលពីយប់ថ្ងៃសៅរ៍បាននិយាយថា មនុស្ស១២១នាក់រងរបួស ក្នុងនេះប្រាំនាក់រងរបួសធ្ងន់តែមិនមានអ្នកស្លាប់ក្នុងឧបទ្ទវហេតុននេះទេ ចំណែលអ្នកបាត់ខ្លួន១៧នាក់ជាបុគ្គលោកផ្នែកពន្លត់អគ្គិភ័យ៕
បុគ្គលិកអគ្គិភ័យព្យាយាមបាញ់ទឹកលើធុងប្រេងមិនទាន់ឆេះដើម្បីកុំអោយភ្លើងរាលដាល
